മഞ്ഞ് പുതച്ച ഒരു പ്രഭാതം...
പാടവരമ്പത്ത് അവിടവിടെ വിളകള് നോക്കി നില്ക്കുന്ന കര്ഷകര്.
നാട്ടുവിശേഷങ്ങളുമായി കുറച്ചു പേര് പീടികത്തിണ്ണയില് കൂനിക്കൂടിയിരിക്കുന്നു.
ചിലര് ഗൌരവം വിടാതെ പത്രത്താളുകളിലേക്ക് മുഖം പൂഴ്ത്തി മരബെഞ്ചിലും ഇരുപ്പുണ്ട്..
ഓരോ ദിവസവും മടുപ്പിക്കുന്ന വര്ത്തമാനങ്ങളുടെ ആവര്ത്തനം. പത്രത്താളുകളോട് അയാള്ക്ക് നീരസം തോന്നാതെയിരുന്നില്ല.
എങ്കിലും ആവിപറക്കുന്ന ചായയും ചൂടാറാത്ത പത്രക്കടലാസ്സിന്റെ ഗന്ധവും അയാളുടെ പ്രഭാത ചിട്ടവട്ടങ്ങളില് നിര്ബന്ധമായിരുന്നു.
ഇനി എന്ത്?
പ്രവാസം മതിയാക്കി നാട്ടില് കാലുകുത്തുമ്പോള് ശൂന്യതയായിരുന്നു മുന്നില്..
"നിങ്ങള്ക്കും ധനികനാകാം"
തുടര്ച്ചയായ് വന്നുകൊണ്ടിരുന്ന ഒരു പത്രപ്പരസ്യം.
പതിനൊന്നു മാസംകൊണ്ടു നിക്ഷേപം ഇരട്ടിയാകുമത്രേ !.
ആകര്ഷകം.....
അവിശ്വസിക്കുവാന് തോന്നിയില്ല.
ഇക്കുറി അയാളും അതിന്റെ ഭാഗമാകുവാന് ഉറച്ചു.
ചായക്കടക്കാരന് ശങ്കരേട്ടന് കാണാതെ പരസ്യം കീറിയെടുത്തു പോക്കെറ്റില് തിരുകി അയാള് നടന്നു.....
"നിക്ഷേപ പദ്ധതി: തട്ടിപ്പെന്ന് സൂചന..."
"....... സ്ഥാപനം നിരീക്ഷണത്തില്".
ഉള്പേജുകളിലെവിടെയോ വന്നുപോകുന്ന വാര്ത്താശകലങ്ങള്.
സൂക്ഷ്മദൃക്കുകളായ പതിവ് വായനക്കാര് മാത്രം എല്ലാം ഒരു വഴിപാടുപോലെ വായിച്ചു തള്ളി.
കൊയ്തൊഴിഞ്ഞ വയലുകള്തേടിയെത്തുന്ന പക്ഷികളുടെ ആരവം...
"പൊതുജനത്തെ കബളിപ്പിച്ചു കോടികളുമായി തട്ടിപ്പുസംഘം മുങ്ങി..."
വാര്ത്ത മുന്പേജിലേക്കു ചേക്കേറി...
"അന്വേഷണം ഊര്ജ്ജിതമാക്കി"
"ഇത് കുറച്ചു നേരത്തേ ആകാമായിരുന്നില്ലേ?"
"നിരീക്ഷണത്തില് ആയിരുന്നവര് എങ്ങനെയാ മുങ്ങിയത്"
"ആവോ"
ശങ്കരേട്ടന് കൈമലര്ത്തി....
പാവം....
അയാള് ഇനി എന്ത് ചെയ്യും?
(ചിത്രത്തിനു കടപ്പാട്)
By:
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക