സ്നേഹം വെറും ബന്ധം മാത്രമാണ്.

സ്നേഹം വെറും ബന്ധം മാത്രമാണ്...
M മുകുന്ദൻ (ഹരിദ്വാറിൽ മണികൾ മുഴങ്ങുമ്പോൾ)
======================================================

ചപ്രത്തലമുടി മാടിയൊതിക്കിയന്നൊ-
റ്റയ്ക്കു ഞാനെന്റെ വീട്ടിലെത്തി

ഭിക്ഷ ചോദിപ്പുണ്ട് മാന്യനെന്നപ്പോൾ പുച്ഛിച്ചെറിഞ്ഞൊരാളൊറ്റരൂപ

കഷ്ടമിതയ്യോ കാഴ്ചകണ്ടെന്നുടെ
ഹൃത്തടം പൊട്ടിക്കരഞ്ഞിടുന്നു

കൊച്ചുനാളിൽ കളിക്കൂട്ടരുമൊന്നിച്ചു
ഗുസ്തി പിടിച്ചൊരു മുറ്റമിന്നോ

ഒറ്റരൂപത്തുട്ടു കെട്ടിപ്പിടിച്ചങ്ങു
കണ്ണുമറയ്ക്കുന്നു ലോകരേപ്പോൽ

പിന്തിരിഞ്ഞോരു മിഴിയറുത്തിട്ടങ്ങ്
ചെമ്മെ നടന്നങ്ങകന്നു ഞാനും.

കൃഷ്ണ കൃഷ്ണാന്നുള്ള മേൽവിളി
പൊള്ളിച്ച്
അർക്കനെങ്ങോട്ടോ പിരിഞ്ഞു പോയി

അന്ധകാരക്കുളിർ കണ്ണിനെ ചുംബിച്ച്
വിസ്തൃതമായൊരു കാഴ്ച നല്കി

ഒപ്പം നടക്കുന്ന കൊച്ചു നിഴലപ്പോൾ
പിന്തിരിഞ്ഞെങ്ങോട്ടോ യാത്രപോയി

ആഴിയേപ്പോലെൻ ഉള്ളമപ്പോഴോ ആർത്തലച്ചോടീട്ടു ശാന്തമായി

ചിന്തകൾപൊയ്പ്പോയി ,ചുംബനം തീണ്ടിടാ
ചുണ്ടുകൾ പൂട്ടി ചിരി മറന്നു

നിശ്ചലമാകുന്ന നേരവും പാർത്തങ്ങ്
കൊച്ചിളം കാറ്റെനോടൊപ്പമായി

ജന്മസാക്ഷാത്കാര യാത്രകൾ പിന്നെയു-
മിന്നും ഞാനോ തുടർന്നിടുന്നു .
_______________________
രമേഷ് കേശവത്ത്...