മരണത്തിന്റെ ഡയറി കുറിപ്പുകൾ....... Part 1

*മരണത്തിന്റെ ഡയറി കുറിപ്പുകൾ.......

പതിവ് പോലെ ഒരു വെള്ളിയാഴ്ച ഞങ്ങൾ പ്രവാസികൾ നന്നായി ഉറക്കമാവുന്ന ദിവസം. ഉച്ചക്ക് ഫുഡ് ഒക്കെ തട്ടി ബെഡിലേക്കു മറിഞ്ഞു , അന്ന് എന്തോ ഉറക്കം വന്നില്ല!..

എന്തെങ്കിലും വായിച്ചു കിടാക്കാം!.. നാട്ടിൽ നിന്നും കൊണ്ട് വന്ന കുറച്ചു പുസ്തകങ്ങൾ ബെഡിനു അടിയിൽ പെട്ടിയിൽ ഉണ്ട് . അതെടുക്കാൻ നോക്കിയപ്പോഴോ, ആകെ പൊടി പിടിച്ചു കിടക്കുന്നു... ഒന്ന് അടിച്ചുവരാം എന്ന് കരുതി പെട്ടി ഒകെ എടുത്തു മാറ്റി .രണ്ടു മാസമായി വന്നിട്ടു., ഡ്രസ്സ് എല്ലാം എടുത്തു അലമാരയിൽ വച്ചിട്ട് പെട്ടി ബെഡിനു അടിയിൽ വച്ചതാണ് . പിന്നെ അവിടേക്കു നോക്കിയില്ല .അല്ല ഇനി നാട്ടിൽ പോകുമ്ബോൾ മതിയല്ലോ പെട്ടി ...
അത് ഇനി എന്ന ?..

ഇതൊക്കെ മനസ്സിൽ ഓർത്തു അടിച്ചു വരുമ്പോളാണ് ഒരു പ്ലാസ്റ്റിക് കവറിൽ എന്തോ കെട്ടി വച്ചിരിക്കുന്നത് കണ്ടത്..

"ഇതു ആരുടേത് ആണോ, എന്തായാലും എടുത്തു നോക്കാം ?.. "

കുറച്ചു തുണികൾ ... റൂമിൽ ഉള്ള ആരുടെ എങ്കിലും ആവും .തിരികെ അവിടെ തന്നെ വയ്ക്കാന് തുടങ്ങുമ്പോളാണ് ഒരു ഡയറി അതിൽ .സ്വർണ പുറചട്ടകൾ ഉള്ള ഒരു മനോഹരമായ ഡയറി .

"ഇതു കൊള്ളാലോ !. ആരുടെ ആയാലും വരുമ്പോൾ ചോദിച്ചു നോക്കാം ."

എന്തോ വല്ലാതെ ഇഷ്ട്ടം ആയി .വെറുതെ ഒന്നു മറിച്ചു നോക്കി .ആദ്യ പേജിൽ കുറച്ചിരിക്കുന്നത് കണ്ടു ഒന്നു പേടിച്ചു . (സിബി മരണം 10 -5 - 2010 ) മറിച്ചു നോക്കി പിന്നെ ഒന്നും എഴുതിയിട്ടില്ല ;... വീണ്ടും മറിച്ചു നോക്കി .

"ആരെങ്കിലും വെറുതെ എഴുതിയതു ആവും .എന്നാലും തമാശയ്ക്കു ആെരങ്കിലും മരണം എഴുതി വെക്കുമോ?... "

റൂമിൽ ഉള്ള കൂട്ടുകാര് വന്നപ്പോൾ അവരോടു ചോദിച്ചു , അവരുടെ ആരുടേയും അല്ല .അവർ ഞാൻ വരുന്നതിനു കുറച്ചു നാൾ മുൻപ് അവിടെ താമസം ആയതേ ഉള്ളു .അതിനു മുൻപ് ഉള്ള ആരുടെ എങ്കിലും ആവും .ഞാൻ അവരോടു ഡയറിയെ കുറിച്ചും അതിൽ എഴുതിയതും പറഞ്ഞു .അത് ആര് എങ്കിലും വെറുതെ എഴുതി വച്ചതു ആവും .ആരും കാര്യം ആയി എടുത്തില്ല .ദിവസം കയിഞ്ഞു പോകുന്തോറും എനിക്കു അത് മാത്രം ആയി ചിന്ത ..

അടുത്ത വെള്ളിയാഴ്ച .വെറുതെ കിടന്നപ്പോൾ വീണ്ടും ആ ഡയറിയിലെ താളുകൾ ഓർമയിൽ വന്നു . എങ്ങനെ അറിയും ഇതിനു മുൻപ് അര ഇവിടെ താമസിച്ചത് എന്ന്?. .

ഓരോന്നും ഓർമിച്ചു കിടന്നപ്പോൾ പെട്ടന്നു മനസ് പറഞ്ഞു .ഇനീ റൂമിൽ മൂന്നു ബെഡ് കൂടി ഉണ്ട് .ഞാൻ ഓരോ ബെഡിനു അടിയിലും വെറുതെ തപ്പി നോക്കി രണ്ടാമത്തെ ബെഡിനു അടിയിൽ നിന്നും കിട്ടി ,ഒരു കവർ . അതിലും അതുപോലെ ഉള്ള ഒരു ഡയറി .ഞാൻ വേഗം അത് തുറന്നു .ആദ്യ പേജിൽ ഇങ്ങനെ കുറിച്ചിരിക്കുന്നു .

"(റോയ് മരണം 10 - 5 - 2012 ) "

എന്റെ ഹൃദയം പടപടാ മിടിച്ചു തുടങ്ങി.പേജുകൾ മറിച്ചു നോക്കി അതിൽ വേറെ ഒന്നും എഴുതിയിട്ടില്ല .വളരെ വേഗം ഞാൻ അടുത്ത ബെഡിനും അടിയിൽ നോക്കി .മൂന്നാമതു അതുപോലെ ഉള്ള ഒരു ഡയറിയും കുറച്ചു തുണികളും .ഞാൻ വേഗം മറിച്ചു നോക്കി .

ആദ്യ പേജിൽ വീണ്ടും ഒരു മരണ തീയതി

"( വിനോദ് മരണം 10 - 5 -2014 ) " അതിലും വേറൊന്നും എഴുതിട്ടില്ല .എനിക്കു ആകെ പേടിതോന്നി. അപ്പോഴാണ് ഫുഡ് കഴിച്ചിട്ട് കൂട്ടുകാരൊക്കെ റൂമിൽ വന്നത്."എന്താടാ നിന്നു വിയർക്കുന്നെ" .ഞാൻ ഡയറി അവരെ കാണിച്ചു മൂന്നു ഡയറിലും ഒരു പോലെയാണ്,അത് എഴുതിയിരിക്കുന്നതും ചുവന്ന മഷി കൊണ്ടും .ഇതിൽ എന്തോ പന്തികേടുണ്ടെന്നു അവരും പറഞ്ഞു.

നാലാമത്തെ ബെഡിനു അടിയിൽ ഞാൻ നോക്കിയില്ല. എന്താന്നു അറിയില്ല മനസിലൊരു ഭയം പോലെ,നമുക്ക് എല്ലാവർക്കും കൂടി നോക്കാം.അങ്ങനെ എല്ലാവരും കൂടി അതിനടിയിലും നോക്കി. അതിനടിയിൽ നിന്നും ഒരു കവർ കിട്ടി .അതിൽ കുറച്ചു തുണികൾ മാത്രം.ഞങ്ങൾക്കു നാലു പേർക്കും പേടി തോന്നി .എന്നാലും നമ്മളിതുവരെ ഇതൊന്നും കണ്ടില്ലല്ലോ.അല്ലെങ്കിലും ബെഡിനടിയിൽ നോക്കേണ്ട കാര്യമില്ല.അല്ല ഇത് വല്ല പ്രേതവും മറ്റും ആണോ .ഇതുവരെ അങ്ങനെയൊരു ശല്യം ഉണ്ടായിട്ടില്ല.ഞങ്ങൾ നാലുപേരും കൂടി റൂം മുഴുവനും അരിച്ചു പെറുക്കി പക്ഷേ വേറെ ഒന്നും കിട്ടിയില്ല ..
അങ്ങനെ നിരാശയോടെ ഇരിക്കുമ്പോഴാണ് ഞാൻ നാലു ബെഡിനടിയിൽ നിന്നും കിട്ടിയകവറിലെ തുണികളിൽ പരിശോധിച്ചു നോക്കിയത് .നിങ്ങൾ ഇതുകണ്ടോ ഡയറികൾ ഉണ്ടായിരുന്ന കവറിലെ തുണികൾ കറുപ്പും മറ്റേതിൽ വെളുത്ത തുണികളുമാണ് .നീ പറഞ്ഞു പേടിപ്പിക്കല്ലേ .എന്തയാലും ഇതിൽ എന്തോ ദുരൂഹതയുണ്ട് അത് സത്യം,ആദ്യം ആരാ മുൻപ് ഇവിടെ താമസിച്ചിരുന്നതെന്നു കണ്ടെത്തണം ..
ഞങൾ വീണ്ടും ഡയറികൾ എടുത്തു വളരെ ശ്രദ്ധയോടെ പേജുകൾ ഓരോന്നും മറിച്ചു നോക്കി,വേറെ എന്തെങ്കിലും എഴുതിയിട്ടുണ്ടോന്നു അറിയാൻ .കൂട്ടത്തിൽ ഒരു കൂട്ടുകാരൻ പറഞ്ഞു "നിങ്ങൾ ഇതു കണ്ടോ ഇത് ഒരു പെൺകുട്ടിയുടെ കൈയക്ഷരമാണ്" ആണ് .... കഥ തുടരും ...

Praveen