വരിക ..! വിഷുവും,ഈസ്റ്ററും.

വിഷുവാണെന്നോർമ്മപ്പെടുത്തലുമാ
യെന്റെ സ്മാർട്ട് ഫോണിലെത്തി, നല്ല
ഇൻസ്റ്റൻസ് വിഷുക്കണി, ബഹുകേമം..
ഒന്നാം തരം, കേമം..യെന്റെ കമന്റ്!

ഖത്തറി നൂറും അൻപതും റിയാലിൻ
പ്രതിരൂപമെടുത്ത് സ്കാൻ ചെയ്ത് -
ഞാനയച്ചുകൊടുത്തു കൈ നീട്ടമായ്.,
എന്റ കെട്ട്യോളും, കുട്ട്യോളും, ഹാപ്പി!!

രാത്രിയോ പകലോ വ്യക്തമല്ലെങ്കിലു-
മൊരു ജുമാ രാത്തിനാലസ്യ സുഖ
കര ജുമയും മാത്രമല്ലാതെന്തു വിഷു
ഓണം, പെരുന്നാളിസ്റ്റർ കൊണ്ടാടൽ?

എന്നാലുരചെയ്തിടാമീ പ്രവാസ വാസി
സമസ്ത കേരള ദേശികൾക്ക്, നന്മകൾ,
നേരുന്നു, സകല സൗഖ്യ സമൃദ്ധികളാല-
ലംകൃത പുണ്യകാല വിഷുവും, ഈസ്റ്ററും ..!!

കൃഷ്ണ കുമാർ.കൂടാളി
ഗോകുലം, കീഴല്ലൂർ.