പ്രണയദിനാശംകളോടെ…….

പ്രണയദിനാശംകളോടെ…….

എനിക്കായ് മാത്രം

നീ ഒന്നും ചോദിച്ചതില്ല, 
ഞാനൊന്നും പറഞ്ഞതും ഇല്ല,
ഞാൻ എത്ര സ്നേഹിച്ചിരുന്നു എന്ന്,
നിന്നെ,
ഞാൻ എത്ര സ്നേഹിച്ചിരുന്നു എന്ന്.

ഇഷ്ടമാണോ എന്ന് ഒരു വട്ടമെങ്കിലും,
നീ ഒന്ന് ചോദിച്ചിരുന്നു ഏങ്കിൽ,
ഞാൻ എത്ര കാത്ത് നിന്നു എന്നോ,
കേൾക്കാൻ ,
ഞാൻ എത്ര മോഹിച്ചിരുന്നു എന്നോ.

ഇഷ്ടമാണ് എന്ന് ഒരു വട്ടമെങ്കിലും
നീ ഒന്ന് പറഞ്ഞിരുന്നു എങ്കിൽ എന്ന്,
ഞാൻ എത്ര കാത്ത് നിന്നു എന്നോ,
കേൾക്കാൻ ,
ഞാൻ എത്ര കാതോർത്ത് നിന്നു എന്നോ.

നീ ഒന്നും ചോദിച്ചതില്ല,
ഞാനൊന്നും പറഞ്ഞതും ഇല്ല,
കണ്ടു ഞാൻ നിൻ കണ്ണിൽ,
കടലോളം സ്നേഹം എനിക്കായ് മാത്രം.
എനിക്കായ് , എനിക്കായ് മാത്രം.

പറയാതെ പറഞ്ഞു നാം സ്നേഹം.
പറയാതെ പറഞ്ഞു നാം നൂറു വട്ടം.

രാധാ ജയചന്ദ്രൻ, വൈക്കം.
14.02.2017