നീയും.. ഞാനും..!!

നീയും.. ഞാനും..!!
□□□□□□□□□□

നീ പോലുമറിയാതെ നിന്നിലലിഞ്ഞ
ഞാനാണു നീ..
ഞാന്‍ പോലുമറിയാതെ എന്നിലലിഞ്ഞ
നീയാണ് ഞാന്‍..

മതമാകുംമതിലങ്ങുയര്‍ന്നുവന്നപ്പൊഴേ
ഹൃദയങ്ങളങ്ങനെ ദൂരത്തായി..
ദൂരത്തതെങ്കിലും ചാരത്തുനിന്നിട്ടാ-
ഹൃദയങ്ങളിങ്ങനെ വെന്തുനീറി..

ചിത്തത്തിന്‍ദൂരംകുറഞ്ഞങ്ങുവന്നത്
നമ്മള്‍തന്‍ ദൂരം കൂടീപ്പൊഴാണോ..
എങ്ങിലുംനമ്മളും യാത്രചെയ്യുന്നില്ലേ
എന്നിലായ് നീയും നിന്നിലായ് ഞാനും..!!

ആര്‍.ശ്രീരാജ്.................