പ്രിയ കവിക്ക് നമസ്ക്കാര പുഷ്പങ്ങൾ

ഓർമ്മയിൽ ഇന്നും ജീവിക്കുന്ന
പ്രിയ കവിക്ക് നമസ്ക്കാര പുഷ്പങ്ങൾ

ഒരു വട്ടം കൂടി പൊൻതൂലികയിൽ നിന്നും ,
ഒരു വാക്ക് കൂടി പിറക്കുകില്ല, ഇനി 
ഒരു വാക്ക് കൂടി പിറക്കുകില്ല.
ആത്മനൊമ്പരത്തോടെ അറിയുന്ന സത്യം,
വെറുതെ ആയിരുന്നു എങ്കിൽ, എന്ന്,
ഒരു മാത്ര മോഹിച്ചു പോയി.
ഓർക്കുവാനാകാതെ വിറങ്ങലിച്ചെന്റെ,
മനസ്സാകെ മരവിച്ചു പോയി,
മിഴികൾ ഈറനണിഞ്ഞു പോയി.

മാരിവില്ലുപോൽ മറഞ്ഞുവെന്നാകിലും,
മറക്കില്ല മഹാകവേ മലയാളം ഒരു നാളും.
അങ്ങ്, വാരി വിതറിയ അക്ഷരമുത്തുകൾ,
നുള്ളി പെറുക്കിയെടുത്ത് നിധി പോലെ,
ഹൃദയത്തിൽ സൂക്ഷിക്കും ഭദ്രമായ്,
ഇനിയുള്ള കാലം ഭൂമി മരിക്കും വരെ.

ഒരു പിടി നമസ്കാര പുഷ്പങ്ങൾ അർപ്പിച്ച്,
നമിക്കുന്നു കാവ്യസൂര്യൻറെ മുന്നിൽ.

രാധാ ജയചന്ദ്രൻ, വൈക്കം
13.02.2017.