പ്രീയ വാലെന്റയിൻ,

Feb 14ന്റെ കത്ത്

പ്രീയ വാലെന്റയിൻ,

പ്രണയാഗ്നിതൻ ഗതകാല
ലാവണ്യമിതൾ വിരിയും
വീഥികളിലഗ്നി ചേതനയറ്റു നിന്നു
വിഭൂതിയിൽ മൂടിയറിയാവഴികളിൽ ഞാനും.

ഇരവിൽ കൊഴിഞ്ഞ ലില്ലിപ്പൂമുഖത്ത്
പ്രഭാതം തൂകിയ കണ്ണുനീർത്തുള്ളിയിൽ
ചേതനയറ്റ് തിലോദകമുണ്ട്
എന്റെ പ്രണയം... എന്നിലെയഗ്നി..

കാണുന്ന മാത്രയിലഗ്നിയാളി
കരളു കത്തി, സ്നേഹതീർത്ഥത്തിൻ
വേലിയേറ്റങ്ങളിലുലയുന്ന
മധുര ശിശിരങ്ങൾ പോയ് മറഞ്ഞു.

ആത്മാവിന്റെ സ്നേഹ മൂർച്ചയിലേക്ക്
വാക്കുകളിലൂടെ, സ്വപ്നങ്ങളിലൂടെ
സൗരഭ്യമൊഴുക്കിയ ആത്മവസന്തങ്ങളില്ല.
ഒന്നായുരുകി നിന്നേകിയ ആത്മദാനങ്ങളും.

പച്ചപ്പില്ലാത്ത മണൽക്കാടുകൾ തിങ്ങി
മനസിന്നവസാന യലിവും
ഉറവയിൽ നിന്നും
വലിച്ചെടുക്കുന്നു.
പ്രണയത്തിന്റെ ശവകുടീരം
മണൽക്കാടുകളിൽ
ഞാനറിയാതെ ഉയരുന്നു?
ഞാൻ,
ഞാനില്ലാതാകുന്നു.

പ്രീയ വാലെന്റയിൻ
തിരിച്ചു തരാമോ
എനിക്കെന്നെ ,
എന്റെ പ്രണയവും?

By

DevaManohar