മിനിക്കഥ

ഫെയ്സ് ബുക്കിൽ അയ്യായിരം ഫ്രണ്ട്സ് തികഞ്ഞതിന് പിറ്റേ ആഴ്ചയാണ് അവൻ കാലൊടിഞ്ഞ് ഹോസ്പിറ്റലിൽ ആയത്.

ചോര വാർന്നു വഴിയിൽക്കിടന്ന അവനേ ആശുപത്രിയിലെത്തിച്ചത് ഫെയ്സ് ബുക്കിൽ അക്കൗണ്ടില്ലാത്ത ഒരു ചുമട്ടുതൊഴിലാളിയാണ്

അച്ഛനുമമ്മയും കിടക്കക്കരുകിൽ ഉറക്കമിളച്ചു കാവലിരുന്നു.

കാല് പ്ലാസ്റ്ററിട്ടുകിടക്കുന്ന ഫോട്ടോ അവൻ അപ് ലോഡ് ചെയ്തു ഇരുപത്തിനാലു 'ലൈക്കു'കൾ കിട്ടി അപ്പോൾ ലൈക്കിന്റെ അർത്ഥം അവനു പിടി കിട്ടിയില്ല

മൂന്നു പേർ 'ലോൽ' എന്നു കമന്റിട്ടു

അവന്റെ നാട്ടുകാരൻ അബുദാബിയിലുള്ള ജേക്കബ്ബ് മാത്രം വിളിച്ച് എന്തു പറ്റി എന്നു തിരികക്കി

ഒരു ദിവസത്തെ തച്ചു പണി ഒഴിവാക്കി നാണപ്പനും ,പച്ചക്കറിക്കട അടച്ചിട്ടു മൊയ്തുക്കയും ,വായനശാലയിലെ ഗോപാലൻ മാഷും ആശുപത്രിയിൽ കാണാൻ വന്നു അവർ ഫെയ്സ് ബുക്കിലൂടെയല്ല മറ്റാരോ പറഞ്ഞറിഞ്ഞതാണ്...

ആശുപത്രി വിട്ട ശേഷമവൻ പഴയ ആൽത്തറയിലും വായനശാലയിലും സുഹൃത്തുക്കളെ തെരയാൻ തുടങ്ങി..
**************************
ബിജു വി ചാണ്ടി