സ്വാതന്ത്ര്യം ആവശ്യത്തിന്

സ്വാതന്ത്ര്യം ആവശ്യത്തിന്
..........................................

ആണിന്റെ സ്വാതന്ത്ര്യംപെണ്ണിന് ഇല്ലെന്ന് . പെണ്ണിന് രാത്രി ഇറങ്ങി നടക്കണമെന്ന് ആരേയും പേടിക്കാതെ.ഇഷ്ടമുള്ള എന്തും ധരിക്കണം പോലും ആരും ചോദ്യം ചെയ്യരുതെന്ന്, ആരും പീഢിപ്പിക്കുകയും ചെയ്യരുതെന്ന് - എങ്ങിനെയുണ്ട്? നിങ്ങളോടാ .... ഞാൻ ചോദിക്കുന്നത് സമൂഹത്തിനോട് .

പെണ്ണ് എന്ന് പറഞ്ഞാൽ മനസ്സിൽ ഒരു രൂപം വരും ആർക്കും അല്ലേ...? ശാലീനതയുള്ള, അച്ചടക്കുള്ള, നാണമുള്ള ആ രൂപം തന്നെയാ പെണ്ണ്.! പെണ്ണിന് എന്തിനാ അമിത സ്വാതന്ത്ര്യം? അതാവശ്യമില്ല. അതു കൊണ്ട് തന്നെയാ ഞാനടക്കമുള്ള പെണ്ണിനെ ഇങ്ങനെ സൃഷ്ടിച്ചതും - വലിയൊരു കർത്തവ്യം അവളിലേല്പ്പിച്ചിട്ട് പടച്ച് വിട്ടത്.

"അമ്മയാവുക " .... അത് പുരഷന് പറ്റില്ലല്ലോ? പ്രസവിക്കാൻ?അതു തന്നെയാ പെണ്ണേ.... വ്യത്യാസം .നീ അതിലൂടെ ഒരു ലോകത്തെയാണ് പടുത്തുയർത്തേണ്ടത്. ആ നിനക്ക് കുറേ പരിമിതികൾ ചുറ്റിലും തീർത്തത് സ്വാഭാവികം !
പെണ്ണ് എന്തിന് രാത്രിയിൽ തനിച്ച് സഞ്ചരിക്കണമെന്ന് വാശി പിടിക്കുന്നു.? എന്തിന് നഗ്നത പുറം ലോകത്തെ കാട്ടി വസ്ത്രം ധരിക്കണമെന്ന് നിർബന്ധം പിടിക്കുന്നു. മാന്യമായി വസ്ത്രം ധരിച്ചാൽ എന്താണ് അവളിൽ നിന്നും ചോർന്ന് പോകുന്നത്. ഒരു കൂട്ട് പിടിച്ച് രാത്രിയിൽ സഞ്ചരിച്ചാൽ അവളോടുള്ള ബഹുമാനം കൂടുകയല്ലേ ഉള്ളൂ.... എല്ലാം വലിച്ചെറിഞ്ഞ് "ഞങ്ങളെ പീഢിപ്പിച്ചോളൂ... "എന്നുറക്കെ റോഡിന് നടുവിൽ കിടന്ന് അലറിയാൽ ആണുങ്ങൾ ചിലപ്പോൾ അതിന് മെനക്കെട്ടെന്ന് വരും. സൂക്ഷിക്കേണ്ടത് സ്വയം സൂക്ഷിക്കുക തന്നെ വേണം അല്ലാതെ തങ്ങൾക്ക് എല്ലാ സ്വാതന്ത്ര്യവും അനുഭവിക്കണമെന്ന് മോഹിച്ച് ആൺവേഷം പുറമെ കെട്ടിയാടിയാൽ ഉള്ളിൽ നിന്ന് ചോർന്ന് പോകുന്നത് നീ ശപിച്ചെറിയുന്ന സ്ത്രീയെന്ന സൗന്ദര്യമാണ്! ആ സൗന്ദര്യം നിന്റെ അടച്ച് വച്ച മേനിയിലേ ഉണ്ടാകൂ പെണ്ണേ.. തുറന്നിട്ട മേനിയിലല്ല.

പുരുഷന് എവിടെയാണ് സ്വാതന്ത്ര്യം കൊടുത്തത് ? സ്വന്തം വീട്ടിന്നകത്ത് പോലും സ്വാതന്ത്ര്യമില്ലാത്തവരാ യഥാർത്ഥത്തിൽ അവർ. സ്വന്തം ബന്ധുമിത്രാദികളോട്, സുഹൃത്തുക്കളോട്.. ഇടപഴകാനുള്ള സ്വാതന്ത്ര്യം പോലും അവർക്ക് നിഷേധിക്കുന്ന പെണ്ണുണ്ട് . ഇല്ലെന്ന് പറയാൻ പറ്റുമോ? എന്തിന് സ്വന്തം അമ്മയോട്, അച്ഛനോട് സംസാരിക്കാൻ വരെ വിലക്കുന്ന പെണ്ണേ.. നീയാണോ സ്വാതന്ത്ര്യം ഇല്ലെന്ന് വിലപിക്കുന്നത് . ഒരു ടിവി റിമോട്ട് പോലും യഥേഷ്ടം ഉപയോഗിക്കാൻ പറ്റാത്ത പുരുഷനോട് ഏത് സ്വാതന്ത്ര്യത്തെപ്പറ്റിയാണ് നിങ്ങൾ വാചാലരാവുക.

പുരുഷന്മാരിൽ ഉണ്ടാകാം... ചില വൈകല്യങ്ങൾ കൊണ്ട് നടക്കുന്നവർ അതിനെയൊക്കെ നേരിടാൻ റോഡിൽ പാതിരാത്രി സഞ്ചരിച്ചും, പുരുഷന്റെ തലയ്ക്ക് മീതെ കയറി ഇരുന്നും കിട്ടുന്ന ധൈര്യമൊന്നും വേണമെന്നില്ല. മനസ്സിന്റെ ശക്തി മതി യഥാർത്ഥ പെണ്ണിന്. പെണ്ണിന്റെ ഇടയിലും ഇല്ലേ ഈ അസുഖക്കാർ ആണിനെ കൊഞ്ചിക്കുഴഞ്ഞ് വശീകരിക്കുന്നവർ ഇതൊന്നും വെറുതെ എഴുതിതള്ളുകയല്ല. നേർകാഴ്ച തന്നെ . അപ്പൊ അതും പെണ്ണിന്റെ രീതിയിലുള്ള മറ്റൊരു പീഢനം തന്നെയാ ഒരു തരത്തിൽ. ഇതിനൊക്കെയും സാഹചര്യം ഒരുക്കാതിരിക്കുക എന്നേ... അർത്ഥമാക്കിയുള്ളൂ! "സാഹചര്യം ഞങ്ങൾ സൃഷ്ടിക്കും നിങ്ങൾ തൊടരുത് " എന്ന് പറയുന്ന പെണ്ണിനോട് മാത്രം .

പെണ്ണായി പിറന്നാൽ പെണ്ണായി തന്നെ ജീവിക്കേണ്ടി വരും ,നല്ലൊരു ആണിനെ വാർത്തെടുക്കുന്നത് ഒരു പെണ്ണ് തന്നെയാ.. പുരുഷന്റെ മേൽ ആധിപത്യം സ്ഥാപിച്ചും, അവനെ ഭരിച്ചും ജീവിക്കുന്ന പെണ്ണിന്റെ ചരിത്രം താണ്ഡവമാടിക്കൊണ്ടിരിക്കുമ്പോൾ.. പെണ്ണേ നിനക്ക് സംരക്ഷകൻ അവൻ തന്നെയാണെന്ന് ഓർക്കുക. പെണ്ണ് മറച്ച് വെക്കേണ്ടത് മറച്ച് തന്നെ വെക്കൂ.. തല താഴ്ത്തേണ്ടിടത്ത് ഒന്ന് താഴ്ത്തി വയ്ക്കൂ.ആ നിമിഷം. നീ ഉയരും വാനോളം. അവിടെ കിട്ടും നീ ആഗ്രഹിക്കുന്ന എല്ലാ സ്വാതന്ത്ര്യവും.

(പെണ്ണെന്ന് പറഞ്ഞ് അഹങ്കരിച്ചുള്ള ചില പെൺപിള്ളേരുടെയൊക്കെ കോപ്രായങ്ങൾ കണ്ട് പറയണമെന്ന് തോന്നി പറഞ്ഞു.)

ഷംസീറ ഷമീർ.