എൻെറ ധ്യാനരൂപമായിരുന്നു നീ!
അതു കണ്ടെത്താൻ എനിക്ക്
പതിനാലു നിമിഷം വേണ്ടിയിരുന്നില്ല
വർണ്ണരാജികൾകൊണ്ട്
നിൻെറ ചിത്രം കോറിയിടണമെങ്കിൽ
എൻെറ ശിൽപ്പ ചാതുരിയിൽ
നിൻെറ മേനിയഴകിനെ
ഉടലടയാളങ്ങളെ
ജീവനുള്ളൊരു
മൂർത്തരൂപമാക്കണമെങ്കിൽ
പതിനാലു നിമിഷങ്ങൾ പോര
പതിനാലു വർഷങ്ങൾക്കപ്പുറവും
അതിനായി ഞാൻ കാത്തിരിക്കുമായിരുന്നു
എന്നാൽ നാം ഇരവരുടെയും
അകവും പുറവും
അപ്പോഴേക്കും മറ്റൊന്നാകും
By: bhagavalSingh
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക