കാലമാം ജീവിത സായന്തനത്തിലും ഇളം കാറ്റിലും നിൻ സ്വരം തേടുന്നു ഞാൻ... ഈരാവെനിക്കിന്നു കൂട്ടിനുണ്ട്..... ഈറനാം തെന്നലെൻ കൂട്ടിനുണ്ട്. ആർത്തിരമ്പും കടൽത്തീരത്തുനാം നെയ്തൊരായിരം കനവുകൾ കൂട്ടിനുണ്ട്..
ചിരിമാറി അഴലിന്റെ നേർത്തൊരംശം നിന്റെ മുഖമൊന്നുതഴുകിത്തലോടിയെന്നാൽ...... അറിയാതെപിടയുന്ന ഹൃദയമുണ്ടിന്നെനിക്കറിയാതെ- യുരുകുന്ന ഹൃദയമുണ്ട്....
അകലയാണെങ്കിലും കാലമേ നീയന്നു - നല്കീയൊരോർമ്മകൾ മതിയെനിക്ക്.... ഇനിവരും ജന്മത്തിലെങ്കിലും കാലമേ - അരികത്തണയുവാനായീടണെ........
ചിതകത്തിയുയരുന്ന നേരത്തും എന്റെ കണ്ണുകൾ നിന്നെത്തിരഞ്ഞിരിക്കും..
ആ... കണ്ണുനീർകൊണ്ടെന്റെ
ചിതയിലെ കനലുകൾ കെട്ടിരിക്കും......
ആ... കണ്ണുനീർകൊണ്ടെന്റെ
ചിതയിലെ കനലുകൾ കെട്ടിരിക്കും......
By:
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക