നുറുങ്ങ്

പ്രിയമുള്ളവരുടെ ചിത്രങ്ങൾ ക്യാമറയിൽ പകർത്തുന്നത് അവന് വിനോദമായിരുന്നു, സന്തോഷമായിരുന്നു. അവൻ അവരോടൊപ്പം ആ ചിത്രങ്ങൾ ആസ്വദിച്ചു. ചിത്രങ്ങളുടെ ഭംഗി കൂട്ടാൻ വേണ്ടതെല്ലാം അവൻ ചെയ്തുകൊണ്ടിരുന്നു. ഒരു ചിത്രത്തിലും അവൻ ഉണ്ടായിരുന്നില്ല. അവൻറെ ചിത്രമെടുക്കാൻ ആരുമുണ്ടായിരുന്നില്ല. അവർ അവൻ എടുത്ത ചിത്രങ്ങളുടെ ഭംഗിയിൽ മുഴുകി.കാലം പോകവേ അവൻ ഒരു ചിത്രത്തിലും ഇല്ലാതായി. അവൻ ചിത്രത്തിൽ മാത്രമല്ല, അവരുടെ ജീവിതത്തിലും ഇല്ലാതെയാവുകയായിരുന്നു. അവർ സ്വയം സ്നേഹിക്കാൻ പഠിച്ചുകഴിഞ്ഞിരുന്നു. സ്വയം സ്നേഹിക്കാൻ മറന്നവൻറെ ദുർഗതി.

ചിത്രത്തിലുണ്ടാവാൻ ശ്രമിക്കുക.
ചിത്രത്തിൽ ഇല്ലാത്തതിനൊന്നും ഈ ലോകത്തു ഒരു വിലയുമില്ല.
മറ്റുള്ളവരെ സ്നേഹിക്കുന്നതിനു മുൻപേ സ്വയം സ്നേഹിക്കാൻ പഠിക്കുക.

By: 

Siraj Sarangapani