ഒഡീഷ

മൽസഖീ ഇനിയെൻ തോളിലേറുക
പോയിടാമൊരു ദീർഘയാത്ര
പാതയോരത്തായ് നിരന്നൊരാജനാവലി
നടുവിലായ് മെല്ലെനീങ്ങിടാം
അനുഗമിക്കാനാരുമില്ല എങ്കിലും
യാത്രാമംഗളം ചൊല്ലാനാരുമില്ലെങ്കിലും
എത്തിച്ചിടാംഞാൻ നിന്നെയെൻ കൂരയിൽ

പാതയെത്ര നീണ്ടതെങ്കിലും നിൻ
ദേഹിയെനിക്കിന്ന് ഭാരമല്ല തെല്ലുമേ
എൻ തോളിലിരുന്നുനീ കണ്ടുകൊള്ളൂ
അൽപ്പനേരംമുൻമ്പായ് നീ
വാണിരുന്നൊരീ ദേശത്തേ
കാണുന്നോ നീ കനിവുള്ളൊരാളെയും

മൽസഖി നാം വീടണഞ്ഞിപ്പോൾ
വിശ്രമിക്കനീ അൽപ്പനേരം
നിനക്കുറങ്ങുവാൻ തീർത്തിടട്ടെ ഞാൻ
ആറടിമണ്ണിലൊരു കിടക്ക
വിശ്രമിക്കനിൻ കുഞ്ഞിൻ വിങ്ങൽ
കേട്ടിനിയൽപ്പനേരം

തട്ടമൽപ്പം മാറ്റിയൊന്ന് കാണട്ടെ
ഞാനാമുഖം അവസാനമായ്
സ്വീകരിക്കുനീ സഖിയെൻ അന്ത്യചുംബനം
സ്വീകരിക്കുകയെൻ കണ്ണീർപ്പൂവുകൾ
നെഞ്ചുപൊട്ടി മൂടട്ടെ ഞാൻ
നിന്നെയീ മണ്ണിനുള്ളിലായ്

ജയൻ വിജയൻ
26/08/2016