എന്നെ പോലെ മറ്റൊരാൾ

എന്റെ ഉള്ളിൽ അവനുണ്ട്
എനിക്ക് കൂട്ടായ് ,
എന്‍റെ സന്തോഷത്തിലും ,
ദുഖത്തിലും ഇടകലർന്നു
അവൻ എന്‍റെ ഉള്ളിൽ ജീവിക്കുന്നു..

അമ്മയോട് കയർക്കുമ്പോൾ
എന്നെ തടയാനും
എന്‍റെ തെറ്റുകൾ തിരുത്താനും
എന്‍റെ കണ്ണുകൾ നിറഞ്ഞാൽ
അവ തുടക്കു എന്ന് പറയാനും
അവനുണ്ട്...

കണ്ണാടിക്കു മുന്നിൽ നിൽകുമ്പോൾ
എന്നെ പുകഴ്ത്താനും ,
കളിയാക്കാനും അവൻ കേമനാണ്
ഗാഢ നിദ്രയിലേക്ക് ഞാൻ വഴുതി വീഴുമ്പോൾ എന്‍റെ സ്വപ്‌നങ്ങൾ യാഥാർത്ഥമാകും വിധം
കാണിച്ചു തരും..

ഒരു നാൾ മരണം എന്റെ പടിവാതിലിൽ വന്നെത്തിയാൽ ,
അവൻ എന്താകുമെന്ന് അറിയില്ല
അവനില്ലെങ്കിൽ ഞാനില്ല
എനിക്ക് കൂട്ടായ്‌ അവനും
അവനു കൂട്ടായ് ഞാനും മാത്രം...

(നമ്മുടെ എല്ലാവരുടെയും ഉള്ളിൽ അവൻ ഉണ്ടാകും നമ്മുടെ നന്മയ്കും തിന്മയ്ക്കുമൊപ്പം അവൻ കൂട്ടുണ്ടാകും )

By: 

ജുനൈറ നാസർ