ചടുല തീരുമാനങ്ങൾ

ഒരുപാടൊന്നും ആലോചിക്കാതെ പെട്ടെന്നൊരു തീരുമാനം എടുത്താൽ, ചിലപ്പോൾ അത് നല്ല തീരുമാനം ആയെന്നു വരും..

തലങ്ങും, വിലങ്ങും, ഹരിച്ചും, ഗുണിച്ചും, കിഴിച്ചും എടുക്കുന്ന തീരുമാനങ്ങൾ നല്ലതും, ശരിയും, വിജയിക്കുന്നതും ആയിക്കൊള്ളണമെന്നില്ല..

ഒരു പഴം ചൊല്ലുണ്ട് ... മർമ്മം നോക്കിയാൽ പശുവിനെ തല്ലാൻ പറ്റില്ലായെന്ന്..

ചടുല തീരുമാനങ്ങൾക്ക് ഒരു ആകസ്മികതയും , അതിലൊരു പുതുമയും.. അത് തന്നെ ശരി എന്ന ഒരു ആത്മവിശ്വാസവും ഉണ്ടാവുന്നത് കൊണ്ടാവും, തീരുമാനപങ്കാളികൾ എടുത്ത തീരുമാനത്തെ വിജയത്തിലെത്തിക്കുന്നത്…

നീണ്ട കൂട്ടിക്കിഴിക്കലുകൾക്കു ശേഷം എടുക്കുന്ന തീരുമാനങ്ങളുടെ പരാജയത്തിന് കുറ്റപ്പെടുത്താൻ നിരവധി അത്താണികൾ ഉള്ളതുകൊണ്ടാവാം അവിടെ ഒരു അലസതയും തുടർന്നുള്ള പരാജയവും.....

എന്തുവേണം എന്നത് നമ്മുടെ സ്വന്തം തീരുമാനമാണ്. തീരുമാനങ്ങൾക്ക് അതിൽ ഒരു പങ്കുമില്ലാ എന്ന മുൻകൂർ ജാമ്യത്തോടെ……

കൃഷ്ണൻ കാട്ടുപ്പറമ്പിൽ

16 ഓഗസ്റ്റ് 2016