കവിത

മുഗ്ദ്ധപ്രണയമേ നമുക്കു -
ചിത്രശലഭങ്ങളായ് പറന്നുയരാം-
മുഴുതിങ്കൾ ചില്ലയിൽ ചേക്കേറി-
ചകോരമായ് ചന്ദ്രിക ചാറ് നുണയാം .

അമ്പിളിപ്പെണ്ണിന്റെ ആരാമത്തിൽ -
നക്ഷത്ര പൂക്കളിൻ വാസനയേറ്റ് -
മാരിവില്ലൂഞ്ഞാൽത്തട്ടിലിരു-
ന്നൊരു സുന്ദര പ്രേമഗാനം മൂളാം.

ചന്ദനക്കോടി മുണ്ടുടുത്തമ്പിളി -
അംബരമാകെ മണ്ടുന്ന നേരത്ത് -
മിണ്ടാതെയാകാശത്തോപ്പിനൊരറ്റത്ത് -
കെട്ടിപ്പുണർന്നുമ്മകൾ നൽകാം.

മേഘത്തിനുള്ളിൽ ഒളിച്ചിരിക്കും -
ചാരു നീർമണിതുള്ളി കളത്രയും -
താഴെ മണ്ണിൽ ചെമ്പനീർ പൂവിന്റെ-
ഹ്യദയത്തിലേക്ക് തട്ടിത്തൂവാം.

തേൻ തുള്ളി മിന്നുമാ മഞ്ജു ദലത്തിൽ -
ചേർന്നിരുന്നേതെങ്കിലും നവ മിഥുന -
ത്തിന്റെ കൈകളിലൊരു പ്രേമോ -
പഹാരമായ് ചെല്ലാം.

അനശ്വരരാവാം നമുക്കങ്ങിനെ -
കല്പാന്തകാലം വരെയീമണ്ണിൽ.

By Rahul