പുസ്തകം (കുട്ടികൾക്കുവേണ്ടിയുള്ള കവിത )

പുസ്തകം (കുട്ടികൾക്കുവേണ്ടിയുള്ള കവിത )
=========================================
പുസ്തകമൊന്നു തുറക്കുക പുതിയ
വിഭാതം കാണാം ,ചിന്തിക്കാം
പുതിയാകാശത്തെത്താ൦ ഭൂമി -
യ്ക്കതിരുകൾ ഭേദി ച്ചറിവേറാം

ജീവചരിത്രം ,കഥകൾ ,കവിതക -
ളെത്തും പുസ്തകരൂപത്തിൽ
വന്നെത്തുന്നു മുന്നിൽ ശലഭം
നൃത്തം ചെയ്ത ണയുന്നതുപോൽ

മാതൃക കാട്ടിയ നേതാക്കൻമ്മാർ
സാഹസബുദ്ധിക,ളിതിഹാസം
നിർമ്മിച്ചവരെക്കാണാം ,നേരിനു
ജീവൻ ഹോമിച്ചവരെല്ലാം
എത്തുക പുസ്തക മതിലൂടല്ലോ
എന്നും കണ്ണുതുറക്കുണ്ണി
മിന്നും ചിറകിൽ നിനക്കുപാറാം
മണ്ണിനെ സ്വർണക്കണിയാക്കാം

By: 

Varghese Kurathikadu