പാടുന്നവർ

വേദനയൊക്കെ മറക്കാം ;നമ്മൾ -
ക്കോണപ്പാട്ടുകൾ പാടാം
വേണുവെടുക്കു തോഴാ ,മനസ്സിൻ 
വീണക്കമ്പിമുറുക്കു

ചതിയും കൊലയും വിദ്വേഷത്തിൻ
കള്ളും കലിയും ചേരുമ്പോൾ
ഭ്രാന്താലയമായ് തീരും നമ്മുടെ
തറവാടൊന്നു വെടിപ്പാക്കാം

തിരുവോത്തിൻ നാടിതുതീരാ
ശാപതിന്നാപണമായി

മധുശാലകളായ് ,മതിലകമെല്ലാം
മാരകവിഷമായ് മനസ്സെല്ലാം
.
വ്യാമോഹത്തിൻ വാരിക്കുഴിയിൽ
കോമള ചേതന വഴുതുന്നു,
വ്യാപിക്കുന്നു കന്യാവിപണികൾ
നാടിതു കെട്ടഴുകീടുന്നു !

അദ്ധ്വാനത്തിന്ന മൃതലയിളകും
സന്മനസ്സുകളുടെ സങ്കേതം ,
കിങ്കരസംഘത്തോടൊരുമിച്ചോ
സങ്കടമെങ്ങും തെളിയുന്നു!

പാടുന്നവരേ വരദായകരെ .
പോരൂ,നമ്മൾക്കൊന്നായി
പാടിയുണർത്തുക ,പടവാളുകളുടെ
പാട്ടിൽ സ്‌നേഹംവിളയില്ല