നിനക്കു വേണ്ടി

ഞാൻ കാണും മുൻപേ
നീ അകലേക്ക്‌ പോയി...
ചുരുണ്ട മുടിയുള്ള സുന്ദരി...
നീ പറഞ്ഞറിവ് മാത്രമായി ..

അമ്മയുടെ അമ്മിഞ്ഞ നുകരാതെ
അച്ഛന്റെ വാത്സല്യം അറിയാതെ
ചേട്ടന്റെ അനിയത്തിയാവാതെ
ഈ അനിയന്റെ ചേച്ചിയാവാതെ
അകലയുടെ ആഴങ്ങളിൽ
ആകാശ തീരങ്ങളിൽ നീ മേഘമായി മറഞ്ഞു...

കുസൃതിയിൽ ഞാൻ മുഴുകവേ..
വാത്സല്യമോടെ നീ എൻ ചെവിയിൽ
നുള്ളവേ..
നോവാതെ നിന്റെ കയ്യിൽ കടിക്കുന്നോരെൻ ബാല്യം
കൗമാരത്തിൽ നീ എന്‍റെ ചേച്ചിയായും
യൗവനത്തിൽ സുഹൃത്തായും
ഒരിക്കൽ നീ സുമംഗലിയായി വിടപറയവെ
നിറയുന്നോരെൻ കണ്ണുകളും
പകൽസ്വപ്നങ്ങളിൽ നിറയെവേ
കണ്ണിൽ സ്നേഹത്തിന് നൊമ്പരങ്ങൾ
തുളുമ്പി...

വരും ജന്മത്തിലെങ്കിലും
നീ വരില്ലേ.. എനിക്കു കൂട്ടായി
കൂടെപ്പിറപ്പായി....

By: രാജീവ് സോമരാജ്

(ജീവനില്ലാതെ ഭൂമിയിൽ പിറന്നു വീണ
എന്‍റെ പെങ്ങൾക്ക് സമർപ്പിക്കുന്നു )