ചിങ്ങപ്പെണ്ണ്

By: ജികെ

സന്ധ്യാംബരത്തിേലെ സിന്ദൂരതിലകമോ
നറുവെണ്ണിലാവിൻ കൽഹാരമേ....
പൂർണേന്ദു ചിരിതൂകും ആമ്പൽക്കുളത്തിൽ
ചിങ്ങനിലാവിൽ നീ നീരാട്ടിനെത്തുമോ...

ഓണനിലാവിൽ സഖിമാരുമൊത്തു നീ..
മാവേലിമന്നൻ്റെ വരവും പ്രതീക്ഷിച്ചു,
എത്രദിനങ്ങൾ നീ ഉറങ്ങാൻ മടിച്ചങ്ങു
ആടിയും പാടിയും ആഘോഷമാക്കിയോ..

പുലരിതൻ നെറുകയിൽ കുംങ്കുമ-
രേഖയോ, നിൻ തിരുനെറ്റിതൻ ഐശ്വര്യമോ
നിൻമുഖം കണ്ടങ്ങു നാണിച്ചു തുമ്പയും,
ചെത്തിയും, പൂത്തൊരാ കർണികാരങ്ങളും

ജികെ
18-08-2016