നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

ഓർമ്മപ്പൂക്കാലം

Image may contain: 2 people, including Rajesh Damodaran, people smiling

കരളിൽ കഥപറയും കാലം
നിനവിൽനിന്നു മറഞ്ഞൊരു
നിഴലിൽ കനവോടും കാലം,
നിറയുന്നോർമ്മപ്പൂക്കാലം!
പൂമ്പൊടി പെയ്തൊരു
നടവഴികളിലെന്നോർമ്മപ്പൂക്കാലം
പഴമയിൽ,വാകപ്പൂമഴ ചാറിയ തൊടികളിലോർമ്മപ്പൂക്കാലം,
നിറയുന്നോർമ്മപ്പൂക്കാലം!
നറുസൗരഭമായ് പാതി
വിടർന്നൊരരിമുല്ലപ്പൂവ്,
നറുമണമോർമ്മയിലലിയും
മിഴികളിലത്ഭുതമായ് മല്ലിപ്പൂവ്!
നിറയുന്നോർമ്മപ്പൂക്കാലം!
പീതജമന്തികൾ പാത
വിരിച്ചതുപോൽ നിരപാകുമ്പോൾ,
കരളിൽ കനകാംബരമൊരു
ദേവമനോഹരിയായ് കഥപറയുമ്പോൾ,
നിറയുന്നോർമ്മപ്പൂക്കാലം!
നന്ത്യാർവട്ടം നിറഞ്ഞു
തൂവിയപുഞ്ചിരി തന്നപ്പോൾ,
മനസ്സിൽ നാലുമണിപ്പൂവായി
നിറഞ്ഞൊരു
കുളിർമഴ ചാറുമ്പോൾ,
നിറയുന്നോർമ്മപ്പൂക്കാലം!
ചെമ്പൊട്ടിൻ തൊടുകുറിയായ്, കാഴ്ച്ചയിലൊരുപനിനീർപ്പൂവ്
വിടരും പത്മദളത്തിലെ നീഹാരം
പോലൊരു തുള്ളിച്ചാറ്,
നിറയുന്നോർമ്മപ്പൂക്കാലം!
വിടരുന്നെന്നുടെ ഓർമ്മച്ചില്ല-
യിലഴകിൻ പുഷ്പങ്ങൾ,
ഹൃദയത്തുടിയിലൊരോമന
സഖിയായ് നിറയാൻ
സ്മൃതിതൻപുഷ്പങ്ങൾ,
നിറയുന്നോർമ്മപ്പൂക്കാലം!
© രാജേഷ് ദാമോദരൻ..

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot