നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

അനുതാപഗീതം

Image may contain: 2 people, hat, closeup and outdoor

(ക്രിസ്തീയ ഭക്തിഗാനം)
നാഥാ,നിൻ ദിവ്യരക്തശരീരങ്ങൾ
സ്വീകരിച്ചൊരെന്നിൽ നിറയണമേ,
നാഥാ, നിൻ പരിശുദ്ധമാം രക്ത-
ത്താലെന്നെയും കഴുകണമേ
എന്നെയും കഴുകണമേ.

ദിവ്യഭോജ്യമാ,മപ്പവും വീഞ്ഞും
നിൻ തിരുരക്ത,ശരീരമായ് മാറിടുമീ
കുർബ്ബാനയില്‍, ഈ അൾത്താരയില്‍
ഒരു പൂജാമലരായ് ഞാൻ മാറിടട്ടെ
ഒരു പൂജാമലരായ് ഞാൻ മാറിടട്ടെ.
നീയെഴുന്നള്ളുമീ ബലിവേദിമുന്നിലാ-
യൊരു മെഴുതിരിപോലെരിഞ്ഞു-
തീർന്നെന്‍റെ, ദു:ഖങ്ങളെല്ലാമൊഴുക്കിടട്ടെ
ജോർദാൻനദിയിലെ മാമോദീസപോലേ-
യെന്നാത്മാവിനെ കഴുകുകില്ലേ നീ?
എന്നാത്മാവിനെ കഴുകുകില്ലേ?
കല്മഷമേറിടുമെന്‍റെ ഹൃദയത്തില്‍
നിന്നാത്മചൈതന്യം നിറയ്ക്കുകില്ലേ?
നാഥാ, കൃപയോടെയെന്നെത്തഴുകുകില്ലേ?
കൃപയോടെയെന്നെത്തഴുകുകില്ലേ?
നാഥാ,നിൻ ദിവ്യരക്തശരീരങ്ങൾ
സ്വീകരിച്ചൊരെന്നിൽ നിറയേണമേ,
നാഥാ, നിൻ പരിശുദ്ധമാം രക്ത-
ത്താലെന്നെയും കഴുകണമേ
എന്നെയും കഴുകണമേ.
ബെന്നി.ടി.ജെ
26/10/2018

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot