നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

പെരുന്തച്ചനുംകണ്ണനും അഗ്നിഗോളവും.

Image may contain: 3 people, including Sukaami Prakash and Saji Varghese

വെറുപ്പാണ്, മടുത്തു.

*********************** സജി വർഗീസ്***
പെരുന്തച്ചന്റെ ഉളിയിലെ ചോരക്കറയെന്താണ് പറയുന്നത്?
കണ്ണന്റെ കണ്ണുകളിലവശേഷിച്ചത്
വറ്റാത്തപ്രണയത്തിന്റെ വജ്രതിളക്കം;
ചെറ്റപ്പുര മറനീക്കിയകത്തുകയറി,
ശൂദ്രനുംപറച്ചിയിലുമുണ്ടായ ബീജത്തിന്,
വാ കീറിയ ദൈവം ഇരയും നൽകുമെന്ന് തമ്പുരാൻ വചനം!
മതിലുകൾ പലവിധം,
അഗ്നിഗോളംകത്തിയമർന്ന് വീഴുന്നു,
സമൂഹത്തോട് വെറുപ്പാണ്,
ജീവിതം മടുത്തെന്ന മൊഴി;
മതിലുകൾതീർത്ത സെറ്റ്സാരിയിൽ തിളങ്ങുന്നു,
നായര്നമ്പൂതിരിതീയ്യമണിയാണിവാണിയ പിള്ളബ്രാഹ്മണപണിയപുലയപറച്ചിയെന്ന കാണാത്തയെഴുത്തുകൾ;
പറയിപെറ്റപന്തിരുകുലത്തിലെ പെരുന്തച്ചനോടൊരു ചോദ്യം,
നിന്റെബീജം പിറന്നവയറേതെന്ന് പറയുവാൻമടിയോ?
ഇരുളിൽ പറയിയിൽ പടർന്നുകയറിയവന്റെ,
ബീജത്തിൽനിന്നുണ്ടായവന്റെ ,
ബീജത്തിൽ പിറന്നവനോടോശകാരം,
ചാതുർവർണ്യത്തിൻ തടവറയിലെന്റെ, പ്രണയത്തെ തളച്ചിടുന്നതെന്തിന്?
ജാതിയുടെമതിലുകളുയരുമ്പോൾ,
കണ്ണന്റെ ചോദ്യത്തിനുത്തരംകിട്ടാതെ
പെരുന്തച്ചന്റെയാത്മാവ്
എന്തൊക്കെയോ പുലമ്പുന്നുണ്ട്,
മതിലുകൾ ! മതിലുകൾ !
തലച്ചോറിൽ സമുദ്രങ്ങൾരൂപപ്പെട്ട്,
തിരമാലകളടിച്ച് തകർന്ന,
കപാലഭിത്തിയുമായ് ,
നീങ്ങിയ അഗ്നിഗോളം,
ചെരിഞ്ഞുവീണു ഭൂതലത്തിൽ;
സമൂഹത്തോട് വെറുപ്പാണ്,
ജീവിതം മടുത്തു;
ഉയരുന്നു ഉപവാസപ്പന്തലുകൾ !
ഉയരുന്നു മതിലുകൾ !
തെരുവിലലയുന്നു വിശന്നവയറുകൾ,
ശീതീകരിച്ച മുറികളിൽ,
വിശപ്പടക്കുവാൻ വിധിക്കപ്പെട്ട്,
അർദ്ധനഗ്ന്നയായ്കിടക്കുന്ന മതിലുകളുടെ,
തുടയിടുക്കിൽ നിന്നൊലിച്ചിറങ്ങുന്ന, ബീജത്തിൻമുകളിലേക്ക്,
രണ്ടായിരംരൂപയും വലിച്ചെറിഞ്ഞ്,
കുളിച്ച് തൂവെള്ളവസ്ത്രവും ധരിച്ച്, കാറിൽക്കയറി നേരേപോയി, പ്രസംഗിക്കുന്നുണ്ട്,
വിഷയം :ആർത്തവം,
അശുദ്ധി, ആചാരം.
സമൂഹത്തോട് വെറുപ്പാണ്,
ജീവിതം മടുത്തിട്ടാണ്,
ആത്മാവ് ഉറക്കെ വിളിച്ചുപറയുന്നുണ്ട്,
ഉപവാസം തുടരട്ടെ,
മതിലുകളുയരട്ടെ,
മതിലുകൾ കെട്ടുവാൻ ബീജങ്ങൾ,
പുതിയ മനുവാരെന്ന ചോദ്യം?
സജി വർഗീസ്
Copyright protected.

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot