ഒഴുക്ക്

കഥയൊരു ജീവിതമായെഴുതിയ നേരം
ജീവിതമൊരു കഥയായൊഴുകി
അന്തിച്ചു നിൽക്കുന്ന കഥാപാത്രങ്ങളും
ചിന്തിച്ചു നിൽക്കുന്ന
കഥാകാരനും
കഥയുടെയിടവഴികളിലോ
ജീവിതത്തിൻ്റെ നടവഴികളിലോ തമ്മിൽ കണ്ടുമുട്ടിയൊരുരാവിൽ
തമ്മിലറിയാതെ തന്നത്താൻ
തിരിച്ചറിയാൻ ശ്രമിച്ചു പരാജയപ്പെട്ടു.
ബന്ധുക്കളാണെങ്കിലും
ബന്ധങ്ങൾ പറഞ്ഞറിയിക്കാനാവാത്ത
ബന്ധനങ്ങളിൽ,
പറഞ്ഞാലുമറിയാത്ത
ബന്ധങ്ങൾ,
ബന്ധങ്ങൾക്കെന്തു വില,
വിലനോക്കി തൂക്കി വിൽക്കുന്ന ബന്ധങ്ങൾ .
കഥജീവിതത്തിലേക്കൊഴുകി,
ജീവിതംകഥയിലേയ്ക്കും
കഥ തീരുന്നില്ല, ജീവിതവും
പരസ്പരമറിയാതുള്ള ഒഴുക്ക്.

പി.എസ്സ്.അനിൽകുമാർ,
ദേവിദിയ