കണ്ണാ അമ്മേടെ നല്ല കുട്ടിയല്ലേ വാ പൊളിയ്ക്ക്..
അവൻ വാ പൊളിച്ചു.. കുയിൽ ആയി കൂവി ഒരുള വായിലേക്കു പോയി..
ഇനി മയിൽ ഉരുള തരട്ടെ അമ്മ..
മയിലായി നൃത്തം ചെയ്യവേ അവൻ അമ്മയുടെ തോളിൽ പിടിച്ചു..
അവൾ അവനെ ചേർത്തു പിടിച്ചുമ്മ വച്ചു..
ഈ മയിലിനെ മാമ്മുണ്ണ് കണ്ണാ....
അവൻ കുഞ്ഞി വായ പൊളിച്ചു.. മയിലായി ഒരുരുള നൃത്തം ചെയ്തു . പിന്നെ പയ്യെ പയ്യെ അവളുടെ കൈകൾ ആ കുഞ്ഞിവായിലേക്കു നീണ്ടു..
എന്റെ മോന് അമ്മേ ഇഷ്ടാണോ?..
കുഞ്ഞി കൈകൾ വിരിയിച്ചു കണ്ണൻ ചിരിച്ചു..
ഇത്രേ ഇഷ് ടോള്ളൂ അമ്മയോട്...
അവൻ മുകളിലേക്കു കൈ ചൂണ്ടി കൊഞ്ചി
അത്രേം... ദൂരെ മാനത്തിനപ്പുറം. ഇഷ്ടം അമ്മയോട്..
ഉരുളകൾ മാനായും ,സിംഹമായും വന്നു..
പശുവായി കരഞ്ഞു..
കുഞ്ഞിവായ തുറന്നു കണ്ണൻ മാനിനേയും, സിംഹത്തേയും ,പശുവിനേയും വിഴുങ്ങി..
എന്റെ മോൻ വളരണ്ടേ.. കൊച്ചു കാലു വളരണ്ടേ...
കണ്ണൻ തലയാട്ടി...ട്രെയിനായും ബസ്സായും ഉരുളകൾ ഇരമ്പി വന്നു...
കൊച്ചു കാലുകൾ വളർന്നു.. കൊച്ചു കൈകളും വളർന്നു..
കാറ്റുകളിൽ ഓർമ്മകൾ പറന്നു പൊങ്ങി....
വൃദ്ധസദനത്തിലെ മതിലിനകത്തു തൊലി ചുളിഞ്ഞ കൈകളുമായി അവർചാഞ്ഞു നിന്ന ഒരു മരക്കൊമ്പിൽ പിടിച്ചു നിന്നു.. പിന്നെ ആരോടെന്നില്ലാതെ ചോദിച്ചു..
അമ്മേ ഇഷ്ടാണോ...?.
ആരും മറുപടി പറഞ്ഞില്ല.. വാക്കുകൾ മരവിച്ച മരക്കൊമ്പുകൾ ഒന്നും പറയാനാവാതെ തലയാട്ടി നിന്നു.
അകലെ ക്ലാവു പിടിച്ച മാനത്തിലേക്കു അവർ കണ്ണുകൾ നീട്ടി...
ചിതറിത്തെറിച്ച മങ്ങിയ കാഴ്ചകൾ..
അപ്പോൾ മാനം നോക്കി അവർ തേങ്ങിക്കരഞ്ഞു.....
അവൻ വാ പൊളിച്ചു.. കുയിൽ ആയി കൂവി ഒരുള വായിലേക്കു പോയി..
ഇനി മയിൽ ഉരുള തരട്ടെ അമ്മ..
മയിലായി നൃത്തം ചെയ്യവേ അവൻ അമ്മയുടെ തോളിൽ പിടിച്ചു..
അവൾ അവനെ ചേർത്തു പിടിച്ചുമ്മ വച്ചു..
ഈ മയിലിനെ മാമ്മുണ്ണ് കണ്ണാ....
അവൻ കുഞ്ഞി വായ പൊളിച്ചു.. മയിലായി ഒരുരുള നൃത്തം ചെയ്തു . പിന്നെ പയ്യെ പയ്യെ അവളുടെ കൈകൾ ആ കുഞ്ഞിവായിലേക്കു നീണ്ടു..
എന്റെ മോന് അമ്മേ ഇഷ്ടാണോ?..
കുഞ്ഞി കൈകൾ വിരിയിച്ചു കണ്ണൻ ചിരിച്ചു..
ഇത്രേ ഇഷ് ടോള്ളൂ അമ്മയോട്...
അവൻ മുകളിലേക്കു കൈ ചൂണ്ടി കൊഞ്ചി
അത്രേം... ദൂരെ മാനത്തിനപ്പുറം. ഇഷ്ടം അമ്മയോട്..
ഉരുളകൾ മാനായും ,സിംഹമായും വന്നു..
പശുവായി കരഞ്ഞു..
കുഞ്ഞിവായ തുറന്നു കണ്ണൻ മാനിനേയും, സിംഹത്തേയും ,പശുവിനേയും വിഴുങ്ങി..
എന്റെ മോൻ വളരണ്ടേ.. കൊച്ചു കാലു വളരണ്ടേ...
കണ്ണൻ തലയാട്ടി...ട്രെയിനായും ബസ്സായും ഉരുളകൾ ഇരമ്പി വന്നു...
കൊച്ചു കാലുകൾ വളർന്നു.. കൊച്ചു കൈകളും വളർന്നു..
കാറ്റുകളിൽ ഓർമ്മകൾ പറന്നു പൊങ്ങി....
വൃദ്ധസദനത്തിലെ മതിലിനകത്തു തൊലി ചുളിഞ്ഞ കൈകളുമായി അവർചാഞ്ഞു നിന്ന ഒരു മരക്കൊമ്പിൽ പിടിച്ചു നിന്നു.. പിന്നെ ആരോടെന്നില്ലാതെ ചോദിച്ചു..
അമ്മേ ഇഷ്ടാണോ...?.
ആരും മറുപടി പറഞ്ഞില്ല.. വാക്കുകൾ മരവിച്ച മരക്കൊമ്പുകൾ ഒന്നും പറയാനാവാതെ തലയാട്ടി നിന്നു.
അകലെ ക്ലാവു പിടിച്ച മാനത്തിലേക്കു അവർ കണ്ണുകൾ നീട്ടി...
ചിതറിത്തെറിച്ച മങ്ങിയ കാഴ്ചകൾ..
അപ്പോൾ മാനം നോക്കി അവർ തേങ്ങിക്കരഞ്ഞു.....
....പ്രേം മധുസൂദനൻ.....
No comments:
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക