നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

നഗ്നസത്യങ്ങൾ

Image may contain: Saji Varghese, tree, sky, outdoor and nature

സജി വർഗീസ്
****************
പൊന്തക്കാട്ടിൽ പതിനഞ്ചുകാരിയുടെ,
നഗ്നശരീരം ജീർണ്ണിച്ചുതുടങ്ങിയിരുന്നു;
അവളുടെമുഖത്ത് നഖക്ഷതങ്ങൾ,
ഇടത്തേക്കവിൾ മാന്തിക്കീറി,
രക്തം കട്ടപിടിച്ചിട്ടുണ്ട്;
കാണാതായ മകളെത്തേടി ,
ഒരച്ഛൻ അലഞ്ഞുനടക്കുന്നുണ്ട്,
ആരും ഒന്നുമറിഞ്ഞില്ല,
ഞാനും ഒന്നുമറിഞ്ഞില്ല;
അധികാരചതുരംഗക്കളരിയിൽ,
പത്രസമ്മേളനങ്ങൾ വിളിച്ച്,
നഗ്നസത്യങ്ങളാരൊക്കെയോ വിളിച്ചു പറയുന്നുണ്ട്,
നഗ്നസത്യത്തെ
വസ്ത്രംധരിപ്പിച്ചുമൂടിയതിനുശേഷമായിരുന്നത്,
പത്താംക്ളാസിലെ വാട്ട്സപ്പ് ഗ്രൂപ്പിൽ,
നഗ്നസത്യം പറയട്ടേയെന്ന് സഹപാഠിചോദിച്ചു,
അസംബ്ളിസമയത്ത് ഒമ്പതാം ക്ളാസുകാരിയുടെ അടിപ്പാവാട ഊരിപ്പോയതും,
അവളതാരുംകാണാതെ മാലിന്യക്കൊട്ടയിലിട്ട്,
അസംബ്ലിയിൽപോയി നിന്നതും,
വരാന്തയിലൊളിച്ചുനിന്ന സഹപാഠിയതു കണ്ടതും,
ഇരുപത്തിയേഴുവർഷത്തിനുശേഷം,
അയവിറക്കുകയായിരുന്നു,
അവൾ വാട്ട്സപ്പ് ഗ്രൂപ്പിൽ പിണങ്ങി,
പണ്ടത്തെ കുറുമ്പിപ്പെണ്ണിനേപ്പോലെ തന്നെ,
ആരൊക്കെയോ സദാചാരംപറഞ്ഞു,
ശരിയായില്ല പറഞ്ഞതെന്ന്,
അവനും ഗ്രൂപ്പ് വിട്ടങ്ങ് പോയി;
അങ്ങനെ നഗ്നസത്യം ഇനിമുതൽ ഉടുപ്പിട്ട് മതിയെന്ന് വാട്സപ്പ് അഡ്മിനും പറഞ്ഞു;
നഗ്നസത്യമെന്താണെന്ന് പഠിപ്പിച്ച,
അർദ്ധനഗ്നനായ ഫക്കീറിന്റെ,
മരണദിവസവും മറന്നുപോയി,
രണ്ടുമിനുട്ട് മൗനമാചരിക്കണമെന്ന
സർക്കാർ ഉത്തരവ് വാട്സപ്പ് ഗ്രൂപ്പുകളിൽ കറങ്ങിനടന്നു.
നഗ്നസത്യങ്ങൾക്ക് പാകത്തിനുള്ള
വസ്ത്രംതേടി,
ഞാനും ജീവിത വസ്ത്രാലയത്തിലൂടെയലഞ്ഞുനടക്കുന്നു.
സജി വർഗീസ്
Copyright Protected.

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot