മൗനമായ് കൊന്നവർക്ക്
ചതിയുടെ വാൾ നെഞ്ചിൽ കയറ്റിയവർക്ക്
മൂന്നാണിയിൽ കുരിശിൽ തറച്ചവർക്കും
കുടിയിരിക്കാനൊരു സ്മൃതിമണ്ഡപം
ഓർമ്മകൾ തൻ ചിതാഭസ്മം
കൊണ്ടാവണം ഭിത്തികൾ
മന്ത്രിച്ച മധുര വാക്കുകൾ കൊണ്ട്
മേൽക്കൂരയും പണിയണം
ജാലകങ്ങളില്ലാത്ത കവാടങ്ങളില്ലാത്ത
ഭസ്മോധൂളിതമായ സ്മൃതിമണ്ഡപം
കണ്ണീരുപ്പ് കൊണ്ട് ഞാനതിൻ ചാന്ത് ചേർക്കും
എൻ സ്നേഹനിലാവല കൊണ്ട് നിറം കൊടുക്കും
ഒടുവിലതിൻ കാവലാൾ ഞാൻ മാത്രം ആയിരിക്കും
കൊന്നുകളഞ്ഞവർക്ക് സ്മൃതിമണ്ഡപം
പണിയാനിത്തിരി മണ്ണ് ശേഷിക്കുന്നു
മനസ്സിലിപ്പോഴും
Ammu
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക