ഇടനെഞ്ചിലെ സ്നേഹക്കിളി

ഇടനെഞ്ചിലെ സ്നേഹക്കിളി
==========

നൊമ്പരകടലിൽ ചിരിതൂകുമമ്പിളി പോൽ
നിശായാമങ്ങളിലെവിടെയോ
എന്നിൽ വന്നണഞ്ഞൊരു
വർണ്ണചിറകുള്ള പക്ഷീ....

എന്നിൽ കൂട്ടി നിറച്ചു വെച്ച
നൊമ്പരത്തിൻ
കതിരുകളൊന്നൊന്നായി
കൊത്തി വിഴുങ്ങി നീ..

എന്നിലേക്കെങ്ങോ നിന്ന്
സന്തോഷത്തിൻ കതിരുകൾ
കൊണ്ടുവന്നു നീ....

നീയാം പക്ഷിയുടെ
ചിറകടിയൊച്ചക്ക്
കാതോർക്കലാണിന്നെൻ
സായന്തനങ്ങൾ...

ഉണങ്ങി കിടന്നൊരു
തരിശു പാടം ഞാൻ
ഇന്നെന്നിൽ ഉണർവ്വിൻ
തെളിനീരോട്ടം...

സന്തോഷത്തിൻ
വിത്തുകൾ
വിതച്ചൊരാ
പാടത്തിൻ കരയിൽ
നൃത്തമാടുന്നു
ഉല്ലാസത്തിൻ കുളിർകാറ്റ് ...

വിരുന്നുണ്ണാൻ നീ വരും
ചിറകടിയൊച്ചക്കായ്
കാതോർത്തിരിക്കുന്നു ഞാൻ....

ആര് നീയെനിക്കെന്നതിനുത്തരമില്ല...
നീയില്ലെങ്കിൽ
ഞാനില്ലെന്നത് മാത്രം സത്യം....

പടലപിണക്കങ്ങളുടെയും
തല്ലുകൂട്ടങ്ങളുടെയും
നടുവിൽ ചേർത്തുപിടിച്ചു
മൂർദ്ധാവിലൊരു
ചുംബനം നൽകിയാൽ
നെഞ്ചോടു ചേർന്നു
കുറുകുന്നൊരരിപ്രാവാകും നീ...

എന്നിൽ നിറഞ്ഞൊരു
സ്നേഹമേ
വിലമതിക്കാനാവോത്തൊരു
മുത്ത് നീ...

അകലെയാണെങ്കിലും
അരികിലായി കാണും
അഷ്ടദിക്കിലും ചിരിക്കും നിൻ മുഖം...

വേറിട്ട ജന്മങ്ങൾ
വേരിറങ്ങിയിട്ടു
കണ്ടുമുട്ടിയവർ നാം....

അരികിലായി
പടുകുരു മുളച്ചൊരീ
മരത്തിനു
നീയാം തണലിൽ
വളരാൻ ഇടം നൽകുമോ...

ഇലകൾ തമ്മിൽ
തൊട്ടുരുമ്മി വളരുമ്പോൾ
നീയാം തടിയിലും ഞാനുരസ്സുന്നു....

മോഹമായി സ്വപ്നമായി
നെഞ്ചിൽ കുറുകും മന്ത്രമേ...

നീയാണിന്നെൻ മൃതസഞ്ജീവനി....

അണയുവാൻ കൊതിയുണ്ട്
അണക്കുവാൻ തയ്യാറെങ്കിൽ....

ജയ്‌സൺ ജോർജ്ജ്