പ്ലിംഗ്

ഈയിടയ്ക്കാണ് ഒരു ഫോട്ടോ കണ്ടത്....""" കോളിംഗ് ബെല്ലടിച്ച് ഉറങ്ങുന്ന കുഞ്ഞിനെ ഉണർത്തുന്നവർ കുഞ്ഞിനെ വീണ്ടും ഉറക്കീട്ട് പോയാൽ മതി"" ഇതാണ് അതിലെ ഉള്ളടക്കം ...കൂടാതെ കോളിംഗ് ബെൽ സ്വിച്ചിന്റെ ഫോട്ടോയും ...... ഇതു കണ്ടപ്പോഴാണ് ഞാൻ കുറച്ചു വർഷങ്ങൾ പുറകിലോട്ട് സഞ്ചരിച്ചത് ... അന്ന് എന്റെ മോന് 7-8 മാസം പ്രായം .... ചേട്ടൻ ഉച്ചയ്ക്ക് ഊണ് കഴിക്കാൻ വീട്ടിലേക്ക് വരും .... ക്വാർട്ടേഴ്സിലായതു കൊണ്ട് കൂടെ ആരും ഇല്ലാ... രാവിലെ ചേട്ടൻ ജോലിയ്ക്ക് പോയി കഴിഞ്ഞാൽ കുഞ്ഞിനെ എണ്ണ തേപ്പിച്ച് ,കുളിപ്പിച്ച്, കുറുക്കു കൊടുത്ത് ,ഉറക്കീട്ടു വേണം ഉച്ചയ്ക്കേത്തുള്ള ഭക്ഷണം ഉണ്ടാക്കാൻ ...... അങ്ങനെ കുഞ്ഞിനെ ഉറക്കി, കള്ളൻ പതുങ്ങി പോവുന്ന പോലെ പതുങ്ങി ശബ്ദമുണ്ടാക്കാതെ പോയി വേണം അടുക്കള യിൽ ചെന്ന് പണി തുടങ്ങാൻ ..... ചെറിയ ശബ്ദം കേട്ടാൽപ്പോലും മോൻ എണീക്കും ...... അതു കൊണ്ട് ഞാൻ കൊലുസ് (പാദസ്വരം) പോലും ഉപേക്ഷിച്ച ആളാണ് ....
പക്ഷെ കുഞ്ഞിനെ ഉറക്കി അടുക്കളയിൽ ചെല്ലുമ്പോഴേക്കും ആരെങ്കിലും കോളിംഗ് ബെൽ അടിച്ചിരിക്കും ....ഭിക്ഷക്കാരനൊ ,പിരിവുകാരോ, സാധനങ്ങൾ വിൽക്കാൻ വരുന്നവരോ ,വീട് തെറ്റി വന്ന് ബെല്ലടിക്കുന്നവരോ .. അങ്ങനെ ആരെങ്കിലും എന്നും കാണും ....ബെല്ലടിക്കുമ്പോൾ ചിലക്കുന്ന കിളി വന്നവർ പോയാലും ചിലച്ചു കഴിഞ്ഞിട്ടുണ്ടാവില്ല .... മോൻ ഞെട്ടി എണീറ്റ് കരയും.... പിന്നെ അന്നത്തെ ഉച്ചഭക്ഷണത്തിന്റെ കാര്യത്തിൽ ഒരു തീരുമാനമാകും........... ഇത് ഇങ്ങനെ തുടർന്നപ്പോൾ എന്തെങ്കിലും ചെയ്യണല്ലോ എന്നാലോചിക്കാൻ തുടങ്ങി ....
അങ്ങനെ മനസ്സിൽ ഒരു ഐഡിയ വന്നു ..... അന്നു തന്നെ വീട്ടിലുണ്ടായിരുന്ന നീല നിറത്തിലുള്ള പ്ലാസ്റ്റർ എടുത്ത് കോളിംഗ് ബെൽ സ്വിച്ചിൽ തലങ്ങും വിലങ്ങും ഒട്ടിച്ചു ..... അതിന്റെ മുകളിൽ ഇങ്ങനെ എഴുതി ഒട്ടിച്ചു....""സ്വിച്ച് അമർത്തുന്നവർ സൂക്ഷിക്കുക, ക്ഷോക്കടിയ്ക്കും """"
അതിനു ശേഷം കുറച്ചു ദിവസത്തേക്ക് ശല്യമുണ്ടായില്ല ..... ഐഡിയ ഏറ്റു എന്ന സന്തോഷത്തിൽ അഹങ്കരിച്ചിരിക്കുന്ന ഒരു ദിവസം .......

മോനെ ഉറക്കി അടുക്കളയിൽ ചെന്നതേയുള്ളൂ ..... കോളിംഗ് ബെല്ലടിക്കുന്നു ..... അതും വെറുമൊരടിയല്ല .... സ്വിച്ചീന്ന് കൈമാറ്റാതെ തുടർച്ചയായി അമർത്തുന്ന ബെല്ലടി ..... മോൻ എണീറ്റ് കരയാൻ തുടങ്ങി ........ മോനെയും എടുത്തു ഞാൻ ചെന്ന് വാതിൽ തുറന്നു .......
വെളുക്കെ ചിരിച്ച് കൊണ്ട് രണ്ട് പെൺകുട്ടികൾ ....... നോൺ സ്റ്റിക് പാത്രങ്ങൾ വിൽക്കാൻ വന്നതാ ത്രെ ......... ഞാൻ കോളിംഗ് ബെൽ സ്വിച്ചിലേക്ക് ഒന്നു നോക്കി .... ഞാൻ ഒട്ടിച്ച പ്ലാസ്റ്ററെല്ലാം വലിച്ച് പറിച്ചിട്ടിരിക്കുന്നു ...... ഞാൻ അവരെ നോക്കി ........ അതിലൊരു കുട്ടി ചിരിച്ചോണ്ടു പറയ്യാ... ഈ സ്വിച്ചിൽ ഷോക്കൊന്നും ഇല്ല ചേച്ചീന്ന് ......... പ്ലിംഗ്..... എനിക്കറിയില്ലായിരുന്നു എന്താ അവരോട് പറയണ്ടേ എന്ന്....

Sumaja