കണ്ണനാം ഉണ്ണിക്ക്

കണ്ണനാം ഉണ്ണിക്ക് കണി കാണാനായി
ഒരുക്കി ഓട്ടുരുളിയിൽ വിഷുക്കണി..

ഉണക്കലരിയും നെല്ലും
പിന്നെ നാളികേരമുറിയും
കണിക്കൊന്നയും,കണ്ണിമാങ്ങയും
കണിവെള്ളരിയും
ചക്കയും കദളിപ്പഴവും

പിന്നെയാ താലത്തിൽ വാൽകണ്ണാടിയും
കോടിമുണ്ടും നാണയവും ഒപ്പം വെറ്റിലയും
പിന്നെ നവധാന്യങ്ങളും..

ഏഴു തിരിയിട്ട നിലവിളക്കും
ഓട്ടുകിണ്ടിയിൽ വെള്ളവും
എല്ലാം ഒരുക്കി കണ്ണന്റെ മുന്നിൽ

കണിയൊന്നു കാണാം കണ്ണനൊപ്പം
ദീപം പോൽ തെളിയട്ടെ മനസ്സും
നന്മകളും ഐശ്വര്യവും ഏകീടട്ടെ
ഓരോ വിഷുക്കാലവും

ഏകിടുന്നു പ്രിയ കൂട്ടുകാർക്കായി
സ്നേഹം നിറഞ്ഞ വിഷു ആശംസകൾ

By: 

സിനി ശ്രീജിത്ത്