സത്യായിട്ടും ഞാൻ പാവം കുട്ടിയാണ്

നഴ്സിങ്ങിനു പഠിക്കുന്ന സമയത്ത് പ്രത്യേകിച്ചും ആദ്യത്തെ ആറ് മാസം ഞാൻ പാവം നല്ല കുട്ടിയായിരുന്നു ....(ഇപ്പോഴും ഞാൻ നല്ല കുട്ടിയാണ് സത്യം ........) ടീച്ചർ ക്ലാസ്സെടുക്കുമ്പോൾ ശ്രദ്ധിച്ചിരിക്കുന്ന ,നോട്ട്സ് എഴുതുന്ന ,ക്വസ്റ്റ്വൻ ചോദിച്ചാൽ ആൻസർ പറയുന്ന ,എക്സാമിന് പഠിച്ച് എഴുതി നല്ല മാർക്ക് വാങ്ങുന്ന ,ടീച്ചേഴ്സ് പറയുന്നത് അനുസരിക്കുന്ന നല്ല കുട്ടി. ടീച്ചേഴ്സിനു എന്നെ വല്യ ഇഷ്ടാരുന്നു.........
എന്റെ ക്ലാസ്സിൽ രണ്ട് വികൃതി കുട്ടികളുണ്ട്...മഹാ വികൃതികൾ ..... ക്ലാസ്സെടുക്കുമ്പോൾ സംസാരിച്ചോണ്ടിരിക്കും, സ്നാക്സ് ക്ലാസ്സിൽ കൊണ്ടുവന്ന് ക്ലാസ്സ് നടക്കുമ്പോൾ ടീച്ചറെ കാണാതെ കഴിക്കുക ,ലക്ചർ നോട്സ് ആണെന്ന ഭാവേന അസെസൻമെന്റ് സ് എഴുതുക തുടങ്ങി കറേ വികൃതികൾ ചെയ്യുന്ന രണ്ടു പേർ .....ടീച്ചേഴ്സിനു വഴക്കു പറഞ്ഞു മടുത്തു..... അതു കൊണ്ട് അവരെ രണ്ടു പേരെയും എന്റെ ഇടത്തും വലത്തുമായി ഇരുത്താൻ തീരുമാനിച്ചു. ഞാൻ ക്ലാസ്സിൽ ശ്രദ്ധിക്കുന്ന കുട്ടിയായതു കൊണ്ട് അവർ സംസാരിച്ചാലുO ഞാനൊന്നും തിരിച്ചു മിണ്ടില്ല എന്ന വിശ്വാസത്തിലായിരിക്കണം ടീച്ചേഴ്സ് അങ്ങനെ ചെയ്യാൻ തീരുമാനിച്ചത് .....
എന്തായാലും അവരെ ന്റ രണ്ടു സൈഡിലുമായി ഇരിക്കാൻ തുടങ്ങി ....... എന്നോട് ക്ലാസ്സ് നടക്കുമ്പോൾ അവർ സംസാരിക്കും .... ഞാൻ മിണ്ടില്ല ..... അവർ വീണ്ടും വീണ്ടും സംസാരിക്കും '.. ഞാൻ ദേഷ്യപ്പെടും .... പിന്നെ കുറച്ചു നേരത്തേക്ക് അവരൊന്നും മിണ്ടില്ല ..... അങ്ങനെ രണ്ടു മൂന്നു ദിവസങ്ങൾ കഴിഞ്ഞു.
പിന്നെ അവർ എന്നോട് സംസാരിക്കില്ല ... ബാക്കിലേക്ക് ചാരിയിരുന്ന് ദിലീപിന്റെ കോമഡി സീൻസും ഫ്രണ്ട്സ് സിനിമയിലെ പെയ്ൻറിങ്ങ് സീൻസും അവർ ചർച്ച ചെയ്യുന്നു .iiii എനിക്ക് അത് വ്യക്തമായി കേൾക്കാം '.... ഞാൻ ആദ്യമൊന്നും മൈന്റ് ചെയ്യ്തില്ല ..... പക്ഷെ കുറെ കഴിഞ്ഞപ്പോഴത്തേക്കും എനിക്ക് ചിരി വരാൻ തുടങ്ങി ....... ഞാൻ ചിരിച്ചു..... എനിക്കൊരു കുഴപ്പമുണ്ട് ..... ചിരിച്ചു തുടങ്ങിയാൽ പിന്നെ നിർത്താൻ വല്യ പ്രയാസമാണ് .... മാത്രവുമല്ല ഞാൻ ഉറക്കെയുറക്കെ പൊട്ടിച്ചിരിക്കുന്നയാളുമാണ് ........ അവർക്കതറിയാം ..... അവർ എന്റെ ബലഹീനതയെ മുതലെടുത്തു ........... അവർ അതിൽ വിജയിക്കുകയും ചെയ്തു ...... ഞാൻ ചിരിച്ചു... ടീച്ചർ കണ്ടു.'' ' കേട്ടു .. ... എന്നോട് എണീക്കാൻ പറഞ്ഞു: എന്തിന ചിരിച്ചേ..? ടീച്ചറെ കളിയാക്കി ചിരിച്ചതാണെന്ന് തോന്നീട്ടുണ്ടാകും... അവരെ രണ്ടു പേരെയും ഞാനൊന്നു നോക്കി ''''' അപ്പോൾ അവരുടെ ഭാവം ...... വളരെ സീരിയസായി ക്ലാസിൽ ശ്രദ്ധിച്ചിരിക്കുന്നു....... വളരെ പുച്ഛ ഭാവത്തിൽ ടീച്ചർ കേൾക്കെ എന്നോട്...... എന്തിനാ സുമജ :: ടീച്ചർ ക്ലാസ്സെടുക്കുമ്പോൾ ഇങ്ങനെ ചിരിക്കുന്നത് .?കഷ്ടം .... ഞാൻ അന്തം വിട്ട് നിന്നു പോയി അവരുടെ അഭിനയം കണ്ട് . .. ടീ്ച്ചറോട് സോറി പറഞ്ഞപ്പോൾ ഇരുന്നോളാൻ പറഞ്ഞു.'' '
ഇരുന്ന ഉടനെ അവർ എന്നോട് രഹസ്യമായി പറയുവാ '''.... ശ്രീനിവാസൻ 'ഫ്രണ്ട്സ് സിനിമയിൽ ചിരിക്കുന്നത് ഓർമ്മയുണ്ടോന്ന് ... ഞാൻ പെട്ടെന്ന് അതോർത്തു.iiiii പെട്ടെന്ന് ഞാൻ വീണ്ടും ചിരിച്ചു .......😀😇😇 ടീച്ചർ കണ്ടു.... കേട്ടു .... സുമജ ...... ഗെറ്റ് ഔട്ട് ഫ്രം ദി ക്ലാസ്സ് ' ".. ടീച്ചർ അലറി വിളിച്ചു....
എന്റെ ആദ്യത്തെ ക്ലാസ്സിനു പുറത്താകൽ ....... ഞാൻ വിഷമത്തോടെ പുറത്തേക്ക് നടന്നു ... ഡോർ തുറക്കുന്നതിനു മുമ്പ് അവരെയൊന്നു തിരിഞ്ഞു നോക്കി ....... ഇത്രയും നന്നായി ക്ലാസ്സിൽ ശ്രദ്ധിക്കുന്ന കുട്ടികൾ ഈ ലോകത്തുണ്ടാകില്ല''''''.
'ഇങ്ങനെ ഒരാഴ്ച്ച കഴിഞ്ഞു. അപ്പോഴേക്കും കോളേജിലെ നമ്പർ വൺ നോട്ടപ്പുള്ളിയായി ഞാൻ മാറിയിരുന്നു ... ഞാൻ അവരോട് കുറെ ദേഷ്യപ്പെട്ടു'' '' അപ്പോൾ അവർ പറയുവാ... ഇനീപ്പോ നന്നാകാൻ നോക്കീട്ട് വലിയ കാര്യമൊന്നുമില്ല... ആരും വിശ്വസിക്കത്തില്ല .. അതു കൊണ്ട് നമുക്ക് ഇങ്ങനെ തന്നെ പോവാംന്ന്.......
ഒന്നാലോചിച്ചപ്പോൾ അവരു പറയുന്നതു ശരിയാണ് ... എന്തായാലും നനഞ്ഞു ... എന്നാ പിന്നെ കുളിച്ചു കേറിയേക്കാമെന്നു വിചാരിച്ചു - ..
അങ്ങനെയാണ് ഞാൻ ഇങ്ങനെയായത് .... സത്യായിട്ടും ഞാൻ പാവം കുട്ടിയാണ്.... അല്ലാന്നു തോന്നിയാൽ അതിനുത്തരവാദി അവര് രണ്ടു പേര് മാത്രമാണ് .... സത്യം 

By

Sumaja Krishnan Kutty

By