ഒരു ഏപ്രിൽ ഫൂൾ കഥ

ഇന്ന് മാർച്ച് 31 

 അമ്മയും മകളും കൂടി തലപുകഞ്ഞു ആലോചിക്കുകയാണ് നാളെ അച്ഛനിട്ടൊരു പണികൊടുക്കാൻ.ഏപ്രിൽ 1അല്ലേ അച്ഛനെ ഒന്ന് ഫൂളാക്കണും .പല പല ഐഡിയകളും രണ്ടുപേരും പരസ്പരം കണ്ടുപിടിച്ചു ചർച്ച ചെയ്‌തെകിലും ഒന്നും അങ്ങോട്ട് ശരിയാകുന്നില്ല.അവസാനം അമ്മ ഒരു നല്ല ഐഡിയ കണ്ടെത്തി .അത് നടത്തുവാൻ തീരുമാനിച്ചു .മാർച്ച് 31 രാത്രി കഴിഞ്ഞു .

ദേ.....മനുഷ്യ ഒന്ന് എഴുനെന്റെ മോളെ ഇവിടെയൊന്നും കാണുന്നില്ല ...അമ്മ അച്ഛനെ കുലുക്കി വിളിക്കുകയാണ് .പാവം അച്ഛൻ ഞായറാഴ്ച അല്ലെ നല്ലപോലെ ഉറങ്ങലോന്നു വിചാരിച്ചു കിടക്കുകയായിരുന്നു .ഉറക്കം പോയ വിഷമത്തിൽ പതിയെ എഴുനെറ്റിട്ടു പറഞ്ഞു ...

ഇ വെളുപ്പിനെ അവള് എവിടെപോകാനാ നീ അവിടെയൊക്കെ നോക്കു ....

ഇല്ലന്നെ ഞാൻ എല്ലായിടത്തും നോക്കി അവളെ ഇവിടെയൊന്നും കാണുന്നില്ല ...

എടി ഇന്ന് ഏപ്രിൽ 1ആണല്ലേ നീയെന്നെ ഫൂൾ ആക്കുവാൻ നോക്കുകയാണല്ലേ ....

അതുകേട്ട അമ്മ ഒന്ന് ഞെട്ടിയെങ്കിലും അതുപുറത്തു കാണിക്കാതെ പറഞ്ഞു ....

എനിക്കും അറിയാം ഇന്ന് ഏപ്രിൽ 1 ആണേന്നു ...പക്ഷെ മോള്‌ ഒരിക്കലും നമ്മളെ പറ്റിക്കുവാൻ നോക്കില്ല ...നിങ്ങള് വാ നമുക്കു അവളുടെ മുറിയിൽ പോയിനോകാം .

മോളുടെ മുറിയിൽ നേരെത്തെ തയ്യാറാക്കി വച്ച ഒരു കത്തു ഉണ്ടായിരുന്നു .....അച്ഛന് അമ്മ കണ്ടുപിടിച്ചതുപോലെ ആ കത്ത് എടുത്തു കൊടുത്തു ....അച്ഛൻ അതുവായിക്കുകയാണ് ....

പ്രിയപ്പെട്ട അച്ഛനും അമ്മയ്ക്കും ...ഞാൻപോകുകയാണ് എനിക്കു ഇഷ്ടപെട്ട ഒരാളിന്റെ കൂടെ .നിങ്ങളെ എനിക്കു പിരിയുന്നതിൽ വിഷമം ഉണ്ടെകിലും അയാളെ എനിക്കു മറക്കാൻ കഴിയില്ല അതുകൊണ്ടു ഞാൻപോകുന്നു പിന്നെ ഇന്ന് ഏപ്രിൽ 1ന്നു കരുതി ഞാൻ നിങ്ങളെ ഫൂൾ ആക്കുകയാണെന്നു കരുതണ്ട സത്യമായ കാര്യമാണ് ....എന്ന് സ്വന്തം മകൾ .....

കത്ത് വായിച്ചു കേട്ട് കഴിഞ്ഞതും ...നല്ലൊരു ആക്ടറെ പോലെ അമ്മ നിലവിളിക്കുവാൻ തുടങ്ങി .പാവം അച്ഛന്റെ മനസ്സിൽ ഒരു കടലിരമ്പി .അയാൾ ഫോൺ എടുത്തു മോളുടെ നമ്പറിലേക്കു വിളിച്ചു സ്വിച്ചോഫ് ആണ് ഫോൺ .എന്ത് ചെയ്യണും അച്ഛന് ഒരു പിടുത്തവും കിട്ടുന്നില്ല ആകെ തകർന്നുപോയി ...അമ്മയാകട്ടെ അഭിനയിച്ചു തകർക്കുകയാണ് .അച്ഛൻ ഫോൺ എടുത്തു അളിയനെ വിളിച്ചു ....

എടാ മോളെ കാണുവാനില്ല ...ഒളിച്ചോടുകയാനും പറഞ്ഞു ഒരു കത്ത് എഴുതി വച്ചിരിക്കുന്നു ....

പൊന്നളിയാ ഇത്രേം വയസായില്ലേ രാവിലെ ഫൂൾ ആക്കുവാൻ എന്നെത്തന്നെ വിളിച്ചേക്കുന്നു ...നീ ഫോൺ വച്ചിട്ട് പോകു ....

അച്ഛൻ മാനസികമായി തകർന്നു .എന്തു ചെയ്യണുമെന്നു അറിയാൻ കഴിയാതെ സ്വന്തം ഭാര്യയും മോളും കൂടി തന്നെ ഫൂൾ ആക്കുകയാണന്നു മനസിലാകാതെ പാവം തളർന്നു തറയിലേക്ക് ഇരുന്നു .അപ്പോഴാണ് അടുക്കളയിൽ നിന്നും പൊട്ടിച്ചിരിച്ചു കൊണ്ട് മോളുടെ വരവ് ....മോളുടെ ചിരിയിൽ അമ്മയുംകൂടി പങ്കുചേർന്നപ്പോഴാണ് അച്ഛന് മനസിലായത് തന്നെ രണ്ടുപേരും കൂടി മണ്ടനാകുകയായിരുനെന്നു .അച്ഛന്റെ മനസ്സിൽ ദേഷ്യം ഇരച്ചു കയറി ...തറയിൽ ഇന്ന് എഴുനേറ്റു നീ ഇങ്ങു വന്നേ എന്ന് പറഞ്ഞു അമ്മയെയും വിളിച്ചു അകത്തു റൂമിൽ കയറി കതകടച്ചിട്ടു കൈ വീശി ഒറ്റയടിയായിരുന്നു മുഖമടച്ചു അമ്മയ്ക്കിട്ടു ...ആ അടിയുടെ ശബ്ദം പുറത്തു നിന്ന മോളുടെ ചെവികളിൽ തുളച്ചുകയറി .....ശബ്ദം താഴ്ത്തി അച്ഛൻ പറഞ്ഞു

ഫൂൾ ആക്കാം പക്ഷെ മോളെ പറ്റി ഇങ്ങനെ ഒരു നുണ പാടില്ലായിരുന്നു .കത്ത് വായിച്ച സമയത്തു എനിക്കുണ്ടായ മാനസികാവസ്ഥ മക്കളെ സ്നേഹിക്കുന്ന ഓരോ അച്ചന്മാർക്കും മനസിലാകും ....

നിറഞ്ഞ കണ്ണുകളും ...ഒരു കവിൾ പൊത്തിപിച്ചുകൊണ്ടും അമ്മയും ...സന്തോഷത്തോടെ അച്ഛനും പുറത്തേക്കു വന്നു ...അപ്പോൾ മോളാകട്ടെ അമ്മയെ തല്ലിയ സങ്കടത്തിൽ അച്ഛാ എല്ലാത്തിനും കാരണം ഞാനന്ന് പറഞ്ഞു പൊട്ടിക്കരയുവാൻ തുടങ്ങി ...പെട്ടന്ന് അച്ഛനുറക്കെ ചിരിച്ചു കൊണ്ട് പറഞ്ഞു ....അയ്യേ മോളെ പറ്റിച്ചേ വെറുതെ അടിക്കും പോലെ സൗണ്ടുണ്ടാക്കി പറ്റിച്ചേ ....മോള് അമ്മയെ ഒന്ന് നോക്കി അമ്മ ആണെന്ന് ഉള്ള രീതിയിൽ തലയാട്ടി ...അച്ഛന്റെ ചിരിയിൽ മോളും പങ്കുചേർന്നു .കണ്ണിൽ കൂടി പൊന്നീച്ച പറകുന്നുണ്ടെകിലും വേദന കടിച്ചമർത്തി അമ്മയും ആ ചിരിയിൽ പങ്കു ചേർന്നു .......