ആടുജീവിതവും ജയഭാരതിയും .

ലാലിച്ചനു ജയഭാരതിയെ പെരുത്തിഷ്ടമാണ് അന്നും ഇന്നും ...

കോട്ടയത്തു സാമ്പത്തിക ഭദ്രതയുള്ള 
കുടുംബത്തിലെ അത്യാവശ്യം വിദ്യാഭ്യാസ മുള്ള ലാലിച്ചനു ഗൾഫ്‌ മോഹം പിടികൂടി അറബി വീട്ടിലെ ഡ്രൈവർ പണിക്കു നാടുവിട്ടു .

യഥാർത്ഥത്തിൽ 'ലാലിച്ച നെ വിസക്കച്ചോടക്കാരൻ ചതിച്ചു .അറബി വീട്ടിലെ ആടിനെ നോക്കാനുള്ള പണിയാണ് കിട്ടിയത് അതും മഹാവ്യത്തികെട്ട കണ്ണീച്ചോരയില്ലാത്ത അറബിയും ....

അവിടെ ശരിക്കും
ആടുജീവിതം ആയിരുന്നു..

അറബി പാസ് പോർട് കൊടുക്കാത്തതിനാൽ നാട്ടിൽ പോകാനും മാർഗ്ഗമില്ല നാലഞ്ചു വർഷം കൊടിയ പീഡനമായിരുന്നു

അഞ്ചാറു ഭാര്യമാരിൽ പത്തിരുപതു തെറിച്ച സന്താനങ്ങൾ അയാൾക്കുണ്ടായിരുന്നു

ലാലിച്ചന്റെ തലയിൽ മുള്ളുക , മാന്തിപറിക്കുക തുടങ്ങിയ കലകൾ എരണംകെട്ട സന്തതികൾ തുടർന്നുപോന്നു ...

അറബി കാണാതെ അവൻമാർക്കിട്ടും വെച്ചുകൊടുക്കും ഓരോന്ന് അല്ലപിന്നെ ....

ചുരുക്കത്തിൽ ലാലിച്ചൻ പെട്ടു പോയി..

ഒരിക്കൽ അറബിയുടെ എടുത്ത് ഒരു നമ്പറിട്ടു ...
'എനിക്കു നാട്ടിൽ പോണം പെങ്ങടെ കല്യാണമാണ് ' അറബി പറഞ്ഞു 'ഞാൻ നിന്‍റെ പെങ്ങളെ കെട്ടിക്കോളാം ഒരു ഫോട്ടോ കൊണ്ടുവാ 'ലാലിച്ചൻ സമ്മതിച്ചു ...

ഇവിടെ ലാലിച്ചൻ തന്റെ കാഞ്ഞ ബുദ്ധി പ്രയോഗിച്ചു

താൻ നിധിപോലെ വെച്ചിരുന്ന ജയഭാരതി യുടെ ഫോട്ടോ അറബിയെ കാട്ടി പെങ്ങളാണെന്നു പറഞ്ഞു

അറബിക്ക് ലാലിച്ചന്റ പെങ്ങളെ പെരുത്തിഷ്ടായി ......

ഉടൻതന്നെ രണ്ടുപേരും നാട്ടിൽ പോകാൻ തീരുമാനിച്ചു അന്നുവരെ കുടിശിക ഉള്ള ശമ്പളോം ഷോപ്പിംഗ് നടത്താൻ നല്ലൊരു തുകയും കല്യാണചെലവിലേയ്‌ക്ക്‌ പണവും അറബിടെ കയ്യിൽ നിന്നടിച്ചെടുത്തു.

വിശ്വാസം കൂടിയ അറബി പാസ് പോർട്ട് തിരികെ നൽകി നാട്ടിലേക്കുള്ള തന്റെ ടിക്കറ്റ് കൂടി എടുക്കാനും ലാലിച്ചനെത്തന്നെ നിയോഗിച്ചു.
നാട്ടുകാരനായ ഒരു സുഹൃത്തിന്റെ സഹായത്തോടെ ടിക്കറ്റെടുത്ത് അറബിയേക്കളിപ്പിച്ച് രായ്ക്ക് രാമാനം ലാലിച്ചൻ വിമാനം കയറി .......

അറബി ടിക്കറ്റുമായി വരുന്ന ലാലിച്ച നെ കാത്തിരുന്നു.. എവിടെ......

പിന്നീട് 'അഡ്‌നോക്കിൽ' ജോലി ആണെന്ന് പരസ്യം ചെയ്തു ഒരു നേഴ്സ് നെ കല്യാണം കഴിച്ച് ലവളുടെ സാരിത്തുമ്പിൽ അമേരിക്കയിൽ പൊയി
....
ഇപ്പോൾ ലാലിച്ചൻ അമേരിക്കൻ പൗരനാണ് കൂടാതെ അമേരിക്കയിയിലെ ഗൾഫ്‌ മേഖലയുടെ നയതന്ത്ര കാര്യാലയത്തിലെ ഉദ്യോഗസ്ഥനും....

എന്നാലും താൻ പത്താം ക്ലാസ് മുതൽ പൊന്നുപോലെ സൂക്ഷിച്ച ജയഭാരതി യുടെ പടം കാട്ടറബിക്കു കൊടുക്കേണ്ടി വന്നതിലുള്ള വേദന അയാളെ ഇപ്പോഴും വേട്ടയാടുന്നു......
************. ***********. ***********
ബിജു വി ചാണ്ടി ....