നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

ലജ്ജാവതിയെ

പത്തിൽ പഠിക്കുന്ന സമയത്തു എന്റെ ഏറ്റോം നല്ല സ്വഭാവം ന്താന്നു വച്ചാൽ ...ഞാൻ ടീവി കാണുലായിരുന്നു.....സത്യായിട്ടും ...... കേബിൾ ഒന്നും ഇല്ലാഞ്ഞിട്ടല്ല ....... നിക്ക് വല്യ താല്പര്യം ഇല്ലാ ...... 'അമ്മ വീടിന്റെ മുക്കിലും മൂലയിലും പേരവടി വെട്ടി വച്ചേക്കാണെന്നുള്ള ഒരു ഉൾഭയം ഇല്ലാതിലാതില്ല ......അതോണ്ട് പുതിയ പുതിയ ഇറങ്ങുന്ന സിനിമാ പാട്ടുകളൊന്നും അത്ര പിടിയില്ലായിരുന്നു.....ചിത്രഗീതം പോലും കേൾക്കാൻ നിവൃത്തി ഇല്ല .....അതാ....
അങ്ങനെ ഇരിക്കുമ്പോഴാണ് നമ്മുടെ ജാസി ഗിഫ്റ്റിന്റെ സംഗീത ലോകത്തേക്കുള്ള കൊലമാസ്സ് എൻട്രി .......സ്കൂളിലും ട്യൂഷൻ ക്ലാസ്സിലും എന്നുവേണ്ട ....വഴിയേ പോകുന്നവർ വരെ പാടിക്കൊണ്ട് നടക്കുന്ന ഒരേ ഒരു ഗാനം .... " ലജ്ജാവതിയേ .....നിന്റെ കള്ളക്കടക്കണ്ണിൽ ...."
" എന്താ അവന്റെ ഒരു സൗണ്ട് ല്ലേ ???? ഇംഗ്ലീഷ് ന്നൊക്കെ വച്ചാ ഏജ്‌ജാതി ഇംഗ്ലീഷ് ... ..എടി നീ കേട്ടില്ലെടി ആ പാട്ട് ...." രാവിലെ തന്നെ വന്നു ഹിന്ദി സീരിയലിന്റെ കഥ കാണാൻ പറ്റാത്തവർക്കു പറഞ്ഞു കൊടുക്കുന്ന ലയ പോലും ജാസി ഗിഫ്റ്റിന്റെ ലജ്‌ജാവതിയെ കുറിച്ചാണ് ചർച്ച ചെയ്യുന്നത് ..... ഇതൊന്നു കേൾക്കാണോലോ ഈ പാട്ട്.....
ക്ലാസ് ടെസ്റ്റിന് കൊട്ടക്കണക്കിനു മൊട്ട കിട്ടിയതോണ്ട് വീട്ടിൽ ടീവി വെക്കണ കാര്യം ഓർക്കാനേ വയ്യ ...... അയല്പക്കത്തൊന്നു പോയി നോക്കിയാലോ??? ......അവിടത്തെ പട്ടിക്ക് എന്നെ കണ്ടാൽ കലിയിളകും.... അതിനെ കൂട്ടിൽ കെട്ടിയിട്ടിരിക്കുന്ന നേരത്തു പോയി കല്ലെടുത്തെറിഞ്ഞ ശേഷം ആ ഭാഗത്തേക്ക് ഞാൻ പോകാറില്ല ..... എന്നാലും പാട്ടു ഒറ്റ തവണ എങ്കിലും കേൾക്കണം എന്ന ആഗ്രഹം കൊണ്ട് ഞാൻ അങ്ങോട്ട് പോയി ....
.ചെന്ന് കേറിയപ്പോൾ തന്നെ ടിവിയിൽ സീരിയൽ "പ്ലസ് ടു" .ഇനി ഇത് കഴിഞ്ഞാലും ഇവിടന്നങ്ങോട്ടു ശ്രീ ഗുരുവായൂരപ്പനും ...അതെ സമയം സൂര്യ ടിവിയിലെ അയ്യപ്പനും കഴിയാണ്ട് വേറെ ഒന്നും വെക്കില്ലാന്നു നമുക്കറിയാം .....അത് കൊണ്ട് ആ അതിമോഹം മനസ്സിലിട്ടു ഞാൻ പതിയെ പിൻവാങ്ങി ....
പിറ്റേന്ന് ആൻമേരി ആണ് പറഞ്ഞത് ......മിറാഷ് ബസ്സിൽ ഫോർ ദി പീപ്പിൾ ലെ പാട്ടു സിഡി ആണ് കാലത്തു ഇട്ടിരുന്നത് എന്ന് ..... കൺസെഷൻ കാർഡ് ഇല്ലെങ്കി ഫുൾ ചാർജ് കിട്ടാണ്ട് ബസിന്റെ പടിയിൽ പോലും നിർത്താത്ത ദുഷ്ടനാണ് കണ്ടക്ടർ ...അഞ്ചു രൂപ പോയാലും വേണ്ടില്ല ..ഇതൊന്നു കേട്ടിട്ട് തന്നെ കാര്യം എന്ന് പറഞ്ഞു ബനാസിനി ബസ് മിസ്സാക്കി ഞാൻ മൂന്നു ദിവസം മിറാഷിൽ കേറി ......മൂന്നിന്റന്നാണ് അറിഞ്ഞത് ....."ഇജ്ജാതി ഹലാക്കിന്റെ പാട്ടും ഇട്ടോണ്ട് നീ വണ്ടി ഓട്ടണ്ടാ "...ന്നും പറഞ്ഞു ബസ് ഓണർ ബഷീറിക്കാ ആ സിഡി ഒടിച്ചു കളഞ്ഞെന്ന്
ആകെപ്പാടെ എടങ്ങേറായി ...... അടിപൊളി പാട്ടാണെന്നാണല്ലോ എല്ലാരും പറേണത്.....പിന്നെ ബഷീറിക്കക്ക് എന്ത് പറ്റി???.... ഇതേ പറ്റി ചോദിച്ചപ്പോ എല്ലാർക്കും പറയാൻ ഒന്നേ ഒള്ളു.... " നീ അതൊന്ന് കേട്ട് നോക്ക് ....നിനക്കപ്പോ മനസ്സിലാകും ..."
പിറ്റേന്ന് സ്കൂളിൽ ചെന്ന് കേറിയപ്പോ മലയാളം ടീച്ചർ ക്ലാസ്സിൽ വന്നു നിക്കുന്നു ...."ശിൽപയും അലീഷയും എന്റെ കൂടെ വരണം ....നമുക്ക് ഇന്ന് സാഹിത്യവേദിയുടെ ഉൽഘാടനത്തിനു പോണം" ......." മോനെ... മനസ്സിൽ ലഡ്ഡു പൊട്ടി" ..... ഇന്നിനി ക്ലാസ്സിൽ കേറണ്ട ..... അലീഷേനേം എന്നേം കൊണ്ട് പോണത് എന്തിനാന്നു എനിക്കറിയാം .... ലളിതഗാനം , കവിത , മാപ്പിളപ്പാട്ടു അങ്ങനെ അത്യാവശ്യം നമ്പർ ഒക്കെ എന്റെൽ ഉണ്ട് .....ഇനി ഇപ്പൊ മോണോ ആക്ട് മിമിക്രി ഡാൻസ് ഒക്കെ ആണെങ്കിൽ അലീഷ ചെയ്തോളും ....പല പല സ്കൂളുകളിൽ നിന്നും ഇതുപോലെ കുട്ടികൾ വരും .... മീറ്റിംഗ് കഴിഞ്ഞാൽ പിന്നെ കുട്ടികളുടെ പരിപാടികൾ ആണ് ..
അങ്ങനെ മീറ്റിംഗ് ഞങ്ങൾ മധുരമില്ലാത്ത ചായ ഊതിക്കുടിച്ചും പരിപ്പുവടയിലെ മുളക് നുള്ളിക്കളഞ്ഞും .....ടൈഗർ ബിസ്‌ക്കറ് പൊടിച്ചു പൊടിച്ചു മണ്ണിൽ ഇട്ടും തള്ളിനീക്കി.....കലാപരിപാടികൾക്ക് നേരം ആയി ..... ആദ്യ അന്നൗൺസ്‌മെന്റ് ഞാൻ ഒരു ചെറിയ നെഞ്ചിടിപ്പോടെയാണ് കേട്ടുനിന്നത് ....... അന്നൊക്കെ കരോക്കെ എന്ന പരിപാടി ഇറങ്ങിയിട്ടേ ഉള്ളു ..."കരോക്കെ ഇട്ടു ലജ്ജാവതിയെ എന്ന ഗാനം പാടാൻ പോകുന്നത് ....കൊടുങ്ങല്ലൂർ ബോയ്സിലെ അമൽദാസ് ...."
ബാക്ക് സ്റ്റേജിൽ ലളിതഗാനത്തിനു തയ്യാറെടുത്തു നിൽക്കുന്ന എന്റെ മുന്നിലൂടെ ...കയ്യിൽ പാട്ടെഴുതിയ ചെറിയ ഒരു കുറിപ്പുമായി നെഞ്ചും വിരിച്ചു നടന്നു പോയ ആ പൊടിമീശ ചേട്ടനെ ഞാൻ ഇന്നും ഓർക്കുന്നു ....ഞാൻ കാതുകൾ കൂർപ്പിച്ചു നിന്നു..... കാത്തിരിപ്പിനൊടുവിൽ ഞാൻ ഇതാ ലജ്ജാവതിയെ എന്ന ഗാനം ...അതും വിത്ത് കരോക്കെ .....കേൾക്കാൻ പോകുന്നു ....
മ്യൂസിക് വന്നു ..... സ്റ്റേജിൽ നിറഞ്ഞ ഹർഷാരവം ......പിന്നങ്ങോട്ട് എന്താ ഉണ്ടായെന്നു ഈശ്വരന് മാത്രം അറിയാം ......ചീവീട് കാറണ ഹൈ പിച്ചില് "വാച്ചോ വാച്ചോ ........വാച്ചോ ______ടാപ്പ് ടാപ്പ് ടേപ്_______" എന്നിങ്ങനെ പറഞ്ഞ മനസ്സിലാവാത്ത എന്തൊക്കെയോ സ്വരങ്ങൾ .....
നോക്കുമ്പോൾ കൊടുങ്ങല്ലൂർ ബോയ്സിലെ ടീച്ചറും മാഷും നൂറേ നൂറിൽ ഓടി വരുന്നു ....."കർട്ടനിട് കർട്ടനിട് ..." എന്ന് ടീച്ചർ നിലവിളിക്കുന്നും ഉണ്ട് ......അവരുടെ സ്കൂളിലെ മലയാളം ടീച്ചറും സംസ്കൃതം മാഷും അവനെ മാറിമാറി സംസ്കൃതം പഠിപ്പിക്കുന്ന കാഴ്ചയാണ് പിന്നീട് കണ്ടത് ......
ഇപ്പോഴും ഈ പാട്ടു കേൾക്കുമ്പോൾ ഈ സീനൊക്കെ ഞാൻ ഓർക്കാറുണ്ട് .... ആ ചേട്ടൻ ഒക്കെ ഇപ്പൊ എവിടെ ആണോ ആവോ ....

By
മഴമേഘ പെണ്ണ്

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot