ഉത്തരക്കണ്ണീർ

ഉത്തരക്കണ്ണീർ
^^^^^^^^^^^^^^^^
ഞാനെന്തിനു നിലനിൽക്കണം
പതിമൂന്നു വയസ്സുള്ള പെൺകുട്ടിയുടെ ജീവൻ കവരാൻ കൂട്ടുനിന്ന ഞാൻ
ഇന്ന് ഏഴു വയസ്സുകാരിയെ കൊല്ലാൻ
കൂട്ടുനിന്ന ഞാൻ
കുട്ടികളെ കെട്ടിത്തൂക്കാൻ
വന്നവന്റ്റെ നെഞ്ചിലേക്ക്
ഒടിഞ്ഞുവീണ് തുളച്ചു കയറാനാവാത്ത
ഞാൻ വീടു താങ്ങി നിറുത്തിയാൽ
എന്തു ഫലം
ആരേലും തീ വയ്ക്കോ
ഞാൻ കത്തി ചാമ്പലാകട്ടെ
ആരേലും തീ വയ്ക്കോ
ഇതു കണ്ട് ജീവിക്കാൻ വയ്യേ....
എന്തിനാണ് ഉത്തരം
എന്തിനാണു വീട്
കാടും കാട്ടുമൃഗങ്ങളും
എത്ര ശ്രേഷ്ഠം

VG വാസ്സൻ