പ്രേയസീ

ഓർമ്മകളിലെവിടെയോ വിരിഞ്ഞ ചെമ്പകപൂവിൻ്റെ സുഗന്ധം ഇളംകാറ്റിലൂടൊഴുകിവന്നപോലെ...
നിൻ കവിളിണതഴുകിയ മഴതുള്ളിമണികൾ ഭൂമിയോടു പറഞ്ഞതെന്താണാവോ..?
കുപ്പിവളകൾതൻ നേർത്തനൃത്തത്തിൻ മർമ്മരങ്ങളെൻ കാതിലായ് പതിക്കവേ..
വിടർന്നനെറ്റിയിലിടറിവീണ പ്രവേണിതൻ
പരിഭവം കേട്ടു ഞാൻ..
കരിമഷിയെഴുതിയ കണ്ണിണകളിൻ പരിരംഭണങ്ങളിൽ പെയ്തൊഴിഞ്ഞ വർഷബിന്ദുക്കൾ...
പ്രേയസീ നിൻ മിഴിചാർത്തിലെൻ
നോവുകൾ ചേർത്തിടട്ടെയോ..?!

#ഉണ്ണികൃഷ്ണൻ_തച്ചമ്പാറ