കരയരുതിനി കനിമൊഴിയാൾ
^^^^^^^^^^^^^^^^^^^^^^^^^^^^^^^^^^^
കനകം ചേർന്നൊരു കനിയതു
കഴിച്ചിട്ടതു കയ്ക്കുന്നു
കയ്ച്ചാലും ഹരമോടതു
കഴിക്കുന്നതു തുടരുന്നു
കഴിവോലും നിറമോടതു
കഥയായ് അതുരചെയ്വൂ
കളിയായും കനവായും
കനിമൊഴിയാൾ ചിരി കാണാൻ
കരളായ് നിറ നെഞ്ചിന്നറ
കരവിരുതാൽ തുറക്കുന്നിത്
കൺ വിടവിൽ ചെറുതായവൾ
കരുണാരസ സുകടാക്ഷം
കഥമാറും ജയഭേരികൾ
കലയേറും കവലകളിൽ
കളികണ്ടതിൽ കലികയറും
കൺ കടി കൊണ്ടവർ
കരയാകെ നരിയാകും
കഥയങ്ങനെ പലവുരുവായ്
കലികാലം തുടരുമ്പോൾ
കനകം തൃണം കനിവുള്ളവൾ തൻ
കരമെന്നിൽ ചേരുമ്പോൾ .
VG . വാസ്സൻ
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക