രാധയെ തേടി …….

രാധയെ തേടി …….

കാളിന്ദിതീരത്തു കാത്തു ഞാൻ നിന്നതും,
വൃന്ദാവനമാകെ തേടി നടന്നതും,
കണ്ണനെ കാണുവാനല്ല.
കാർവർണ്ണനെ കാണുവാനല്ല.

തേടുന്നു ഞാൻ പ്രിയ ഗോപികയെ,
കണ്ണൻറെ പ്രിയ സഖി രാധികയെ.
വിരഹാർദ്രയായ്, വിഷാദമൂകയായ്,
അലയുന്ന പ്രിയ സഖിയെ.
കണ്ണൻറെ പ്രിയ സഖി രാധികയെ.

കണ്ണൻറെ ദർശന ഭാഗ്യത്തിനായ് ഭക്‌തർ,
കണ്ണനെ തേടി അരികിലെത്തുമ്പോൾ,
ദർശന ഭാഗ്യത്തിനായ് മുകിൽവർണ്ണൻ,
പ്രിയ സഖി രാധ തൻ അരികിലെത്തി.

ധന്യയാം സഖിയുടെ കാൽ തൊട്ട് വന്ദിക്കാൻ,
കാളിന്ദി തീരത്തും, വൃന്ദാവനത്തിലും,
തേടുന്നു ഞാൻ പ്രിയ ഗോപികയെ,
കണ്ണൻറെ പ്രിയ സഖി രാധികയെ.

രാധാ ജയചന്ദ്രൻ,വൈക്കം.
02.01.2017