തിരുവാതിര

തിരുവാതിര

ആതിര, തിരുവാതിര,
ആതിര നിലാവിൽ ധനുമാസ കുളിരുമായ്,
വന്നെത്തി വീണ്ടും തിരുവാതിര.
തിരുവൈക്കം വാഴും ശ്രീമഹാദേവൻറെ,
തിരുനാൾ തിരുവാതിര.

സുമംഗലികൾ നെടുമംഗല്യത്തിനായ്,
കന്യകമാർ ഉത്തമ ഭർതൃപ്രാപ്തിക്കായ്,
ഉമാ മഹേശ്വര പ്രീതികരത്തിനായ്,
അനുഷ്ഠിക്കും വ്രതമീ തിരുവാതിര.

ഉറക്കമൊഴിഞ്ഞു തുടിച്ചു കുളിച്ച്,
പാതിരാപ്പൂ ചൂടി പുലരുന്നതുവരെ,
ആട്ടവും പാട്ടുവുമായ് അംഗനമാർ,
ആടിത്തിമിർക്കുന്ന തിരുവാതിര.

പൂത്തിരുവാതിര, പുത്തൻതിരുവാതിര, ആഘോഷമാക്കുന്നു തരുണികൾ ആതിര.
ആതിര നിലാവിൽ ധനുമാസ കുളിരുമായ്,
വന്നെത്തി വീണ്ടും തിരുവാതിര.

രാധാ ജയചന്ദ്രൻ, വൈക്കം.
11.01.2017.