പടച്ചോന്റെ അനുഗ്രഹം ( കഥ )

പടച്ചോന്റെ അനുഗ്രഹം ( കഥ )
***********************
എടാ നിനക്ക് എന്നെ പോലെ അല്ല വളർന്ന് വരുന്നത് നാല് പെൺകുട്ടികളാ , അതില് മൂത്തോളെ കെട്ടിക്കാനായ പ്രായവും ആകാറായി
എനിക്കാണെങ്കിൽ പെണ്ണ് ഒന്നെ ഉള്ളു , ഓളെ ഉള്ളേല്ലാം വിറ്റും പെറുക്കിയും ഒരു വിധം നല്ല നിലയിൽ തന്നെ പറഞ്ഞയച്ചു ബാക്കി മൂന്നും ആണാ

അനുജന്റെ ഭാര്യ നാലാമതും പ്രസവിച്ചത് പെണ്ണാണെന്ന് അറിഞ്ഞ് കാണാൻ വന്ന് കുട്ടിയെയും കണ്ട് കഴിഞ്ഞ് അനിയൻ അഹമ്മദിനോടായ് അയാൾ പറയുകയായിരുന്നു

സ്നേഹവും എന്നാൽ തെല്ലൊരു അഹങ്കാരവും ചേർത്ത് അഹമ്മദ്ക്കാനോട് അയാളുടെ ജേഷ്ടൻ പറയുമ്പോൾ അഹമ്മദ് തന്റെ ഇക്കയോട് പറയും ആൺകുട്ടിയാണേലും പെൺകുട്ടി ആയാലും അതൊക്കെ പടച്ചോന്റെ അനുഗ്രഹമാ , ഓരോരുത്തർക്കും ഓരോന്ന് വിധിച്ചിട്ടുണ്ട് എട്ടും പത്തും കൊല്ലം കാത്തിരുന്നിട്ടും ചിലർക്ക് ഒരു കുഞ്ഞിക്കാല്
കാണാനുള്ള ഭാഗ്യമില്ലാതെ വിഷമിക്കുന്നു അങ്ങനെയുള്ളോർക്ക് ആണൊ പെണ്ണൊ ഏതായാലും ഒന്നിനെയെങ്കിലും കിട്ടിയാൽ മതീന്നാവും ചിന്ത , അഹമ്മദ് മറുപടി പറഞ്ഞു

നിനക്കാണെങ്കിൽ മൂത്തതിനെ കെട്ടിച്ച് വിടാനുള്ള കാശെങ്കിലും ഉണ്ടോടാ , വെറും തിന്നാനും കുടിക്കാനും ഉള്ളത് കൊടുത്താ മതിയൊ , സഹായിക്കാനാണേൽ എന്റെ അവസ്ഥ നിനക്കറിയാല്ലൊ പിന്നെ ആകെ ഒരു സമാധാനം ഇനിയെനിക്ക് മൂന്ന് ആണ്മക്കളാണല്ലൊ എന്നാണ്
ഇക്ക അത് തന്നെ വീണ്ടും വീണ്ടും ആവർത്തിച്ച് പറഞ്ഞ് തിരിച്ച് പോയി

പ്രസവിച്ച് കിടക്കുന്ന അഹമ്മദിന്റെ ഭാര്യക്ക് അത് കേട്ടപ്പോൾ സങ്കടമായി അപ്പോഴും അഹമ്മദ്‌ ഭാര്യയെ സമാധാനിപ്പിച്ചു , നീ അതൊന്നും കേട്ട് വിഷമിക്കണ്ട എല്ലാം പടച്ചോന്റെ വിധി പോലെ നടക്കും

നാലഞ്ച് വർഷം കഴിഞ്ഞു , അപ്പോഴേക്കും കെട്ട് പ്രായമായി പുര നിറഞ്ഞ് നിൽക്കുന്ന പെണ്ണായി മൂത്തവൾ റാബിയ മാറി , അതിന് താഴെയുള്ളവൾ പത്താം ക്ലാസ്സിലും , എങ്ങനെയാ മോളെ നിക്കാഹ് നടത്തുക എന്ന വിഷമത്തിൽ കഴിയവെ ഒരിക്കൽ റാബിയയെ സുഖമില്ലാതെ ആശുപത്രിയിൽ അഡ്മിറ്റാക്കി അന്ന് തൊട്ടടുത്ത മുറിയിൽ ഒരു രോഗിയെ കാണാൻ വന്ന നൗഫൽ യാദൃശ്ചികമായി അഹമ്മദിനെ പരിചയപ്പെട്ടു അവിടെ റാബിയയെ കാണാൻ ഇടയായ നൗഫലിന് അവളെ കണ്ട മാത്രയിൽ ഇഷ്ടമാവുകയും ശേഷം അഹമ്മദിനോട് റാബിയയെ തനിക്ക് നിക്കാഹ് ചെയ്തു തരണമെന്ന് പറയുകയും ചെയ്തു

നൗഫൽ വലിയ സാമ്പത്തിക ശേഷിയുള്ള കുടുംബത്തിലെ ആളാണ് സിറ്റിയിലെ ഏറ്റവും വലിയ ഫർണിച്ചർ ഷോപ്പിന്റെ ഉടമയായ സൂപ്പി ഹാജിയുടെ ഏക മകൻ , നൗഫലിന്റെ കല്യാണം നേരത്തെ കഴിഞ്ഞതാ മൂന്ന് വർഷം മുമ്പ് ഒരു ആക്സിഡെന്റിൽ പെട്ട് ആ പെൺകുട്ടി മരിച്ചു അതിൽ പിന്നെ വേറൊരു കല്യാണത്തിന് ശ്രമിച്ചിരുന്നില്ല

ഒന്നും വേണ്ട പൊന്നൊ പണമൊ ഒന്നും , എനിക്ക് റാബിയയെ മതിയെന്ന് നൗഫൽ തന്റെ ആഗ്രഹം പറഞ്ഞപ്പോൾ അഹമ്മദിന് സന്തോഷമായി

അങ്ങനെ റാബിയാന്റെ നിക്കാഹ് നല്ല നിലയിൽ നടന്നു , വലിയ കുടുംബത്തിൽ പെട്ട ഒരാൾ റാബിയയെ നിക്കാഹ് കഴിച്ചതിന്ന് ശേഷം റാബിയാന്റെ അനുജത്തിക്കും നല്ലൊരു ബന്ധം ഒത്തുവന്നു , അതിന്നും നൗഫൽ വേണ്ടുന്ന സഹായം ചെയ്തു കൊടുക്കുകയായിരുന്നു

അതേസമയം അഹമ്മദിന്റെ ഇക്കയുടെ ആൺകുട്ടികളും വളർന്ന് വലുതായി പക്ഷെ അയാളുടെ പ്രതീക്ഷക്ക് വിപരീതമായി ആണെന്ന് മാത്രം ,

മൂത്ത പുത്രൻ ഒരു താന്തോന്നിയായി കള്ളും കഞ്ചാവുമായി നടക്കുന്നു രണ്ടാമത്തെ ആൾ നല്ല വിദ്യാഭ്യാസമൊക്കെ നേടിയെങ്കിലും കാര്യമായി ജോലിക്കൊന്നും ശ്രമിക്കാതെ അലസനായി നടക്കുന്നു , മൂത്തോൻ ഏതായാലും ഇങ്ങനെയായി നിനക്ക് അത്യാവശ്യം പഠിപ്പൊക്കെ ഇല്ലെ കിട്ടുന്ന ഏത് പണി ആണേലും എടുത്തൂടെ എന്ന് അയാൾ പറഞ്ഞാൽ , ഇവിടെ ഇപ്പോൾ ആരെ കെട്ടിക്കാനാ ഉള്ളെ എന്ന് തിരിച്ച് പറയും

കുറച്ച് നാളുകൾക്ക് ശേഷം അഹമ്മദിന്റെ ഇക്കാക്ക് തീരെ വയ്യാതായി ആശുപത്രിയിൽ കൊണ്ടുപോകാൻ പോലും അയാളുടെ മക്കളെ കൊണ്ട് സാധിച്ചില്ല , ആദ്യം കെട്ടിച്ച് വിട്ട മകൾ വന്ന് ഉപ്പാനെ വന്ന് കാണും അവൾക്ക് ആവുന്നത് ചെയ്ത് കൊടുത്ത് തിരിച്ച് പോകും

തന്റെ ഇക്കാന്റെ ഇപ്പോഴത്തെ അവസ്ഥ അറിഞ്ഞ അഹമ്മദും ഭാര്യയും ഒരു മകളുമാണ് വയ്യാണ്ട് രോഗ കിടക്കയിൽ കഴിയുന്ന നേരത്തും അയാളുടെ എന്ത് സഹായത്തിനും കൂടെ ഉണ്ടായത്

ഇടക്കിടെ തന്നെ പരിപാലിക്കുന്ന അഹമ്മദിനോട് അയാൾ പറയും ആൺ മക്കൾ എനിക്ക് മൂന്നെണ്ണം ഉണ്ടായിട്ടും ഒരെണ്ണത്തിനെ കൊണ്ടും
ഉപകാരപ്പെട്ടില്ലല്ലൊ ന്റെ അഹമദേന്ന്

അപ്പോഴൊക്കെ അഹമ്മദ് തന്റെ ഇക്കയോട് പറയും മക്കൾ ആണെന്നൊ പെണ്ണെന്നൊ അല്ല പ്രശ്നം എന്റെ മരുമക്കൾ രണ്ടാളും ആണുങ്ങളല്ലെ അപ്പോൾ അതല്ല പ്രശ്നം പെണ്മക്കൾ എല്ലാം ശാപവുമല്ല

ഉമ്മാക്കും ഉപ്പാക്കും ഉപകരിക്കുന്നവരാവണം അല്ലെങ്കിൽ ആൺമക്കൾ ആയാലും പെൺ മക്കൾ ആയാലും അവരെ കൊണ്ട് ഒരു ഗുണവുമില്ല കാര്യവുമില്ല , മക്കൾ ആണൊ പെണ്ണൊ ഏതായാലും അത് പടച്ചോന്റെ അനുഗ്രഹമാ
അത് എന്റെ പെണ്മക്കളുടെ കാര്യത്തിൽ ശരിക്കും " പടച്ചോന്റെ അനുഗ്രഹം " തന്നെ .

സിദ്ദീഖ്‌ വേലിക്കോത്ത്