നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

മിണ്ടാപ്രാണികൾ

Image may contain: Giri B Warrier, closeup and outdoor
വഴിയരികിലെ
ഓടയിൽ നിന്നും
കിട്ടിയതായിരുന്നു,
ശരീരം മുഴുവൻ അഴുക്കും
കണ്ണുരണ്ടും ചീഞ്ഞുപഴുത്ത്
തൊലിയെല്ലാം ഉരിഞ്ഞുപോയി,
ശരീരമാസകലം മുറിവുകളുമായി
ഒരു ചാവാലി പൂച്ചക്കുട്ടി.
ആ പൂച്ചക്കുട്ടിയെ
അവർ ദത്തെടുത്തു,
സ്നേഹിച്ചുവളർത്തി,
വീട്ടിലൊരംഗമായി കണക്കാക്കി
ഭക്ഷണത്തിലൊരു ഭാഗം
പൂച്ചക്കായി മാറ്റിവെച്ചു,
വിലയേറിയ, രുചിയേറിയ
തീറ്റ വാങ്ങി പൂച്ചക്കുവേണ്ടി,
ശീതീകരിച്ച കിടപ്പുമുറിയിലൊരു
മെത്തയും ഉണ്ടാക്കിക്കൊടുത്തു.
ഒരു ദിവസം ആ പൂച്ചക്കുട്ടി ചത്തു,
വീട്ടുകാർ ആകെ ദു:ഖത്തിലായി
ഒരു വർഷം കഴിഞ്ഞപ്പോൾ
പൂച്ചയുടെ ഫോട്ടോ പത്രത്തിലിട്ട്
അവരുടെ ദുഃഖം പങ്കുവെച്ചു.
‌കൊച്ചുമക്കൾ വന്നാൽ
കൊടുക്കണമെന്ന് മോഹിച്ച്‌
ഒരു വർഷം മുൻപ്‌
വാങ്ങി വെച്ചിരുന്ന
ചോക്ക്ലേറ്റ് വ്യദ്ധൻറെ
കൈയിൽനിന്നും വാങ്ങി തിന്നശേഷം
ശരണാലയത്തിലെ പാണ്ടൻ നായ
ആ പത്രപ്പരസ്യം വായിച്ചുകൊണ്ടിരുന്ന
വ്യദ്ധൻറെ കാൽക്കീഴിൽ
വാലാട്ടിക്കൊണ്ട് കിടന്നു,
നന്ദിയോടെ..
****
ഗിരി ബി. വാരിയർ 
28 മെയ് 2019
©copyright protected

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot