രാത്രിമഴ

മാനം പെയ്തൊരീകണ്ണീർ
കണങ്ങൾക്കു
മഴയെന്നുപേരിട്ടതാരോ..?

രാവിന്നിരുളിൽ ഏകാന്തതയിൽ
ചാരത്തണയുന്നോ നീയും..?

കാണാതിരിക്കേ കാത്തങ്ങിരിക്കിലും
കാണുന്നനേരത്തൊട്ടല്ല ഭീതിയീ-
കാലം എനിക്കേകിയൊരോർമ്മ.

എങ്കിലും നീയേകുമീകുളിർ, മഴയേ,
വരികന്റെ ചാരത്തിനിയും..

നിറയട്ടെ ഞാനും നിന്നുള്ളിലലിയട്ടെ
ഒഴുകട്ടെ നിൻമാറിലൊന്നായ്....
ഇനിയുമൊഴുകട്ടെ നിൻമാറിലൊന്നായ്.

മാനം പെയ്തൊരീകണ്ണീർ കണങ്ങൾക്കു
മഴയെന്നുപേരിട്ടതാരോ....
മഴയെന്നുപേരിട്ടതാരോ....?

**മണികണ്ഠൻ അണക്കത്തിൽ***