മനുഷ്യനും മൃഗവും

രാവിലെ തന്നെ തള്ള കോഴിയുടെ ഒരു കൊത്ത് കൊണ്ടു
അതിന്റെ കുഞ്ഞിനെ തൊട്ടാൽ അതെങ്ങനെ നോക്കിയിരിക്കും

അതുപോലെ തന്നെ നായയും പ്രസവിക്കുന്നതിന് മുൻപ് വരെ നമ്മളോട് സ്നേഹത്തോടെ ഇടപെടും

പക്ഷേ പ്രസവിച്ചു കഴിഞ്ഞാൽ പിന്നെ പെട്ടെന്ന് നമ്മളെ അടുപ്പിക്കില്ല

കുഞ്ഞുങ്ങൾ ഒരു വിധം പ്രായം ആവുന്നത് വരെ യജമാനനെ പോലും അടുത്തേക്ക് പോവാൻ അനുവദിക്കില്ല

എല്ലാ മൃഗങ്ങളും അവരുടെ മക്കളെ അത്രയും സ്നേഹത്തോടെ പരിപാലിക്കുന്നുണ്ട്

പക്ഷേ നമ്മുടെ ഇന്നത്തെ സമൂഹത്തിൽ മനുഷ്യക്കുഞ്ഞുങ്ങളെ ശ്വാസം മുട്ടിച്ചും,
നിലത്തെറിഞ്ഞും , കഴുത്തറത്തും കൊല്ലുന്നത് അച്ഛനോ,അമ്മയോ ആയിരിക്കും

അച്ഛൻ്റെയും ,അമ്മയുടെയും കൈയ്യിൽ പോലും മക്കൾ സുരക്ഷിതരല്ല

കാലത്തിന്റെ സഞ്ചാരം നാശത്തിലേയ്ക്കോ

ഓരോ വാർത്തകൾ കാണുബോഴും നെഞ്ചു പിടയുന്നു

പുഞ്ചിരി തൂവുന്ന കുഞ്ഞു മുഖങ്ങൾ മനസ്സിൽ

വേദനയാവുന്നു

പലരും പിഴുതെറിയുന്ന ജീവനുകൾ ആരുടെയൊക്കെയോ വർഷങ്ങളായുള്ള പ്രാർത്ഥനയാണ്

വളർത്താൻ കഴിഞ്ഞില്ല എൻകിൽ
കൊല്ലാതെ ആർക്കെങ്കിലും ദാനം ചെയ്തു കൂടെ

കുട്ടികളെ ഒഴിവാക്കാൻ അവരെ കൊല്ലരുത്
അവരെ അമ്മ തൊട്ടിലുകളിൽ ഏൽപ്പിക്കാൻ ഒരു പരസ്യ പ്രചാരണം ആവശ്യമാണ് ദൈവത്തിന്റെ സ്വന്തം നാട്ടിൽ

അനാഥ മന്ദിരങ്ങളിൽ അവർ വളരട്ടെ

വലിയൊരു മഹാനുണ്ട് കുട്ടികൾ പൂന്തോട്ടത്തിലെ പൂക്കൾ പോലെയെന്നോ അവരെ വേണ്ട വിധം പരിപാലിക്കണമെന്നോ ഒക്കെ പറഞ്ഞ വ്യക്തി
ശിശുദിനമായി ആചരിക്കുന്നു ആ മഹാത്മാവിന്റെ ജന്മ ദിനം

ഒരുമിക്കണം നാളെയുടെ വാഗ്ദാനങ്ങൾ
വിടരും മുൻപേ കൊഴിയാതിരിക്കാൻ

രചനകളിലൂടെ ചെറിയൊരു സന്ദേശം
പകർന്ന്
അറിവു പകർന്ന്

ഒറ്റക്കെട്ടായി നമ്മൾക്ക് കൈകോർക്കാം

ജീവനുകൾക്ക് വേണ്ടി
പിഞ്ചു മുഖങ്ങൾക്ക് വേണ്ടി
അവരുടെ നിഷ്കളങ്കമായ പുഞ്ചിരിക്ക് വേണ്ടി

മനസ്സു മടുത്തു എഴുതി പോയതാണ്
എല്ലാം കണ്ടും കേട്ടും ഈ ലോകത്തെ ചില നികൃഷ്ട ജന്മങ്ങളോട് അറപ്പും , വെറുപ്പു തോന്നുന്നു

കുഞ്ഞു ജീവനുകളെടുക്കുന്ന പാപികൾക്ക്
തക്കതായ ശിക്ഷ ലഭിക്കട്ടെ

(കഥയും, കവിതയും മാത്രമല്ല ,
വരികളിലൂടെ ചിന്തിക്കാനും പ്രവർത്തിക്കാനും മറ്റുള്ളവരിലേയ്ക്ക് സന്ദേശങ്ങൾ പകർന്നു നൽകാനും തൂലിക പടവാളാക്കാം )

രാജിരാഘവൻ