അക്കൗണ്ടൻസി -ഭീകരനാണിവൻ,കൊടുംഭീകരൻ

അക്കൗണ്ടൻസി -ഭീകരനാണിവൻ,കൊടുംഭീകരൻ

കോമേഴ്‌സ് ,ബാങ്കിങ്, ബിസിനസ് മാനേജ്‌മന്റ് ഇത്യാദി ബിരുദങ്ങൾ സ്വന്തമാക്കിയവർക്കറിയാം അകൗണ്ടൻസി എന്ന വിളിപ്പേരിൽ അറിയപ്പെടുന്ന ഭീകരനെ (ചില ബുജികളൊഴിച്ചു,ബാക്കിയെല്ലാവരും ഇവന്റെ കരാളഹസ്തങ്ങളിൽ പെട്ടവരാണ്).പറഞ്ഞു വന്നത്,ബിരുദം ബാങ്കിങ് ആയപ്പോഴാണ് ഈ പുള്ളിക്കാരനെ ഞാൻ പരിചയപ്പെടുന്നത്.ഇവൻ നമുക്ക് ശരിയാവില്ലെന്നു ആദ്യമേ മനസിലായൊണ്ട് അക്കൗണ്ടൻസി ക്ലാസ്സിലൊക്കെ ഞാൻ ഭയങ്കരമായിട്ടു ശ്രദ്ധിച്ചായിരുന്നു,ക്ലാസ്സിൽ മുൻഭാഗത്തായി ഭിത്തിയിന്മേൽ തൂക്കിയിരുന്ന ക്ലോക്ക് ലെ ക്കായിരുന്നു ശ്രദ്ധയെന്നു മാത്രം.ഒരു ദിവസം അക്കൗണ്ടൻസി സർ എന്നോട് പറഞ്ഞു "ദേവിക,ക്ലോക്ക് ഓടിക്കോളും"
അതിൽപിന്നെ ക്ലോക്കിലേക്കുള്ള എന്റെ നോട്ടവും അവസാനിച്ചെന്ന് വേണം പറയാൻ.എന്റെ കൂട്ടുകാരായിന്നവരും ഏതാണ്ട് നമ്മളെ പോലെ തന്നെ,അക്കൗണ്ടൻസി വിരുദ്ധർ;ഡെബിറ്റ് എന്നും ക്രെഡിറ്റ് എന്നും ഓമന പേരിൽ അറിയപ്പെടുന്ന രണ്ടു പേരാണ് അക്കൗണ്ടൻസി യിലെ താരങ്ങൾ; അതായതു ഞങ്ങൾ അക്കൗണ്ടൻസി വിരുദ്ധരുടെ മുഖ്യശത്രുക്കൾ;ഇവര് പാവങ്ങളാണ്, അത് ഞാൻ മനസിലാക്കിയത് പിന്നൊരുവേളയിലാണു മാത്രം. പ്രോബ്ലം ചെയ്യൽ പരിപാടിയാണ് ഈ ക്ലാസ്സുകളിലെ മുഖ്യ പരിപാടി;ഡെബിറ്റ് കാരെ പിടിച്ചു ഒരു ഗ്രൂപ്പിലും ക്രെഡിറ്റ് കാരെ പിടിച്ചു മറ്റൊരു ഗ്രൂപ്പിലുമാക്കി അവസാനം രണ്ടു പേരെയും സന്തോഷിപ്പിച്ചു തുല്യരാക്കി മാറ്റുക എന്നതാണ് ഞങ്ങളുടെ പണി;(അതിനു ഡെബിറ്റ് കാർ ആരെന്നോ, ക്രെഡിറ്റ്കാർ ആരെന്നോ തിരിച്ചറിയാത്ത ഞങ്ങൾ പാവങ്ങള് ).ആറു മാസം കഴിയുമ്പോൾ അവസാനിക്കുന്ന ഓരോ സെമെസ്റ്ററിലും പരീക്ഷ എന്ന ചേട്ടായി വരുമ്പോൾ മാത്രമാണ് ഞങ്ങൾക്കു അപ്രിയം;ഒരു പ്രഫഷണൽ ബിരുദം ആയോണ്ട് ഞങ്ങൾക്കു ഓരോ പരീക്ഷ യോടൊപ്പം വൈവ എന്ന ചോദ്യം ചോദിക്കൽ പരിപാടി നിർബന്ധമായിരുന്നു;അങ്ങനെ ഒരു അക്കൗണ്ടൻസി വൈവ പ്രോഗ്രാം നടക്കുവായിരുന്നു;എന്റെ ഊഴമെത്തി;അക്കൗണ്ടൻസി അദ്ധ്യാപകർ,കൂടെ ഹെഡ് ഓഫ് ദി ഡിപ്പാർട്മെൻറ് സാറും(പുള്ളിക്കാരൻ,ഇച്ചിരി ദേഷ്യക്കാരനാ).
"എസ് ദേവിക, ടേക്ക് യുവർ സീറ്റ് "
പിന്നെയൊന്നും ഞാൻ അറിഞ്ഞില്ല,വെടിയൊച്ച പോലെ
"ദേവിക, കമ്മോൺ"
ഇല്ല സാറേ,ഞാനില്ല ഈ മത്സരത്തിന്;ചോദ്യ ശരങ്ങൾ കൊണ്ട് തളർന്ന ഞാൻ ദയനീയമായി എന്റെ അക്കൗണ്ടൻസി സാറിനെ നോക്കി;
"ഇതിലും ഭേദമെന്നെ കൊല്ലമായിരുന്നിലെ "എന്ന ഭാവത്തിൽ സർ
പെട്ടെന്ന്
"ദേവിക,യുവർ ലാസ്‌റ് കോസ്ററ്യൻ"
"വാട്ട് ഈസ് ബാഡ് ഡെബിറ്റ് "(കിട്ടാക്കടം)
എന്റെ മനസ്സിൽ ഒരു കൊള്ളിയാൻ മിന്നി;ഇതിലെങ്കിലും തമ്പുരാനെ;
റിക്കവറി ചെയ്യാൻ പറ്റാത്ത കടം; അതിനു അക്കൗണ്ടൻസിയിൽ പറയുന്ന ഒരു പേരുണ്ടെ;
എന്റെ നാവിൽ നിന്നു ആ സംഭവം ഒട്ടു വരുന്നുമില്ല;ഏതാണ്ട് ഇർ(ഇർ രിക്ക വർഅബിൽ ഡെബിറ്റ് ആണ് കക്ഷി) വരെ വന്നു; അവസാനം ഒന്നിറങ്ങിപോകുമോ എന്ന ഭാവത്തിൽ അവരെന്നെ ഒരു നോട്ടം;
അങ്ങനെ നാലു വർഷത്തെ ബിരുദ പഠനത്തിടയിൽ എത്രയോ അക്കൗണ്ടൻസി വൈവ കൽ നമ്മളെ കടന്നു പോയി;ഒരു അക്കൗണ്ടൻസി കൊണ്ടും തളരില്ലന്നു വിചാരിച്ചു ഞാനും പഠിച്ചു; യു ജി യും പി ജി യും എന്നു വേണ്ട നമ്മളെ കൊണ്ട് പറ്റുന്ന സകല പഠിപ്പും കഴിഞ്ഞു.

**************************************************************

കുറെ നാളുകൾക്കു ശേഷം;
ഒരു കോളേജിൽ,അക്കൗണ്ടൻസി വൈവ നടക്കുന്നു;
ഒരു കുട്ടി വിയർത്തു കുളിച്ചു ചോദ്യ ശരങ്ങൾ നേരിടുന്നു;
പെട്ടെന്ന്
"വാട്ട് ഈസ് ബാഡ് ഡെബിറ്റ് "

"മാം, ദാറ്റ് ഈസ്......"

കുറച്ചു കഴിഞ്ഞു;വൈവ ഹാളിൽ നിന്നു; അക്കൗണ്ടൻസി ടെസ്റ്റും പിടിച്ചു ഒരാളിറങ്ങി;
"ദേവിക " വർഷങ്ങൾക്കു മുൻപ് അക്കൗണ്ടൻസി യെ പേടിച്ച ഞാനിന്നു ആ ഭീകരനെ സ്വന്തമാക്കി;കോളേജ് ലെക്ചർ ആയി
ഡെബിറ്റും ക്രെഡിറ്റിനെയും കൂട്ടുകാരാക്കി; വേണമെന്ന് വച്ചാ ചക്ക വേരേലും കായ്ക്കുമെന്റെ സുഹൃത്തുക്കളെ;

Dr Anuja