പുതിയ കാലം (കവിത )

പുതിയ കാലം (കവിത )
------------------------
പാതി മുറിഞ്ഞ സ്വപ്നം
ഞെട്ടറ്റ പൂവ്
ആകാശക്കീറ്
കടലിന്റെ ഞൊറി
ആദ്യാനുരാഗത്തിന്റെ
അപാര നിഗൂഢത
മഴവില്ലിന്റെ സപ്തവർണങ്ങൾ
പ്രണയിനിയുടെ കവിളിൽ
തിരയുന്ന കാമുകൻ
കലിയിളകിയ കടലിരമ്പവും
തിമർത്തു പെയ്യുന്ന മഴയും
ഓർമ്മയുടെ തുറന്നുവച്ച
പുസ്തകങ്ങളായി മാറുന്നു
വേടന്റെ ഉന്നം പിഴച്ചത്
ആരുടെ നെഞ്ചത്താണ്
നെഞ്ചിലെ ബാക്കിയായ ചൂട്
തീരാറായ സ്പന്ദനം
എങ്ങോ നിലവിളികൾ
ഉയരുന്നത് കേൾക്കുന്നു
മരിച്ചത് ഞാൻ തന്നെയാണല്ലോ
എന്ന സംശയമാണ്
എന്നെ ഇപ്പോൾ പൊതിയുന്നത് ..

അജിന സന്തോഷ്