മനുഷ്യന്‍റ സ്വതന്ത്ര ചിന്തക്കുമേലുള്ള രാഷ്‌ട്രിയ മത സാഹിത്യ സംഘടനകളുടെ ആധിപത്യം ഒരു രാഷ്‌ട്രത്തെയും ജനതയെയും ഇരുട്ടിന്‍റ ആഴങ്ങളിലേക്കു നയിച്ചുകൊണ്ടിരിക്കുന്നത്‌ ഒരു വര്‍ത്തമാനകാല ദുരന്ത കാഴ്‌ചയാണ്‌.ഒരാള്‍ ഒറ്റയ്‌കിരിക്കുമ്പോള്‍ ചിന്തിക്കുന്ന നേരിന്‍റ വഴി പലപ്പൊഴും സംഘടനകളുടെ സംഘത്തിന്‍റ ചിന്തകളിലേക്ക്‌ പറിച്ചുനടേണ്ടി വരുമ്പോള്‍ താന്‍ ഇച്ഛിക്കാത്ത നയങ്ങളെ പിന്‍തുടരാനും മനസാക്‌ഷിയെ വഞ്ചിക്കാനും അയാള്‍ നിര്‍ബന്ധിതനാകുന്നു. പണവും അധികാരവും ലക്‌ഷ്യം വെച്ച്‌ ചുക്കാന്‍ പിടിക്കുന്ന നേതൃത്ത്വത്തിന്‍റ മേലങ്കി ആട്ടിന്‍ തോലാണെന്ന്‌ തിരിച്ചറിയാത്തിടത്തോളം ഒരു രാഷ്‌ട്രം അന്ധതയിലും ജനത അന്ധരുമായി തന്നെ നിലനില്‍ക്കുന്നു. മൂല്യാധിഷ്‌ടിത രാഷ്‌ട്രിയമെന്ന ആശാവഹമായ ആശയത്തിലേക്കുള്ള അന്വേഷണം ആരംഭിക്കുന്നത്‌ സ്വന്തം യുക്‌തിയില്‍ നിന്നാവണം. വ്യക്‌തിപരമായ നേട്ടങ്ങള്‍ക്ക്‌ പാദസേവ ചെയ്‌ത്‌ റാന്‍ മൂളുന്ന അണികള്‍ യദാര്‍ത്ഥ ദേശ ദ്രോഹികളാണ്‌. മാര്‍ക്‌സും എങ്കല്‍സും ജീവനും ചിന്തയും സമര്‍പിച്ച്‌ രൂപപ്പെടുത്തിയ കമ്യൂണിസം എന്ന ആശയം സാമ്പത്തിക അസമത്വങ്ങളെയും അടിസ്‌ഥാന വര്‍ഗത്തെയും തൃണവല്‍ഗണിച്ച്‌ മുതലാളിത്ത മൂലധനത്തിന്‍റ ആശ്രിതരായി , പാര്‍ലമെന്‍ററി വ്യാമോഹത്താല്‍ അധികാരത്തിന്‍റ ലഹരിയില്‍ ലക്‌ഷ്യം മറന്നിരിക്കുന്നു. മഹാത്‌മാവിന്‍റ മൂല്യാധിഷ്‌ഠിത സൈദ്ധാന്തിക പ്രക്രിയയിലൂടെ അടിമത്തത്തില്‍ നിന്നും സ്വാതന്ത്ര്യത്തിന്‍റ വെളിച്ചത്തിലെത്തിച്ചെങ്കിലും സ്വജനപക്‌ഷവും സ്വാര്‍ത്ഥതയും കൊലയും കൊള്ളയും പാര്‍ശ്വവല്‍കരിക്കപ്പെട്ടവനു പാരതന്ത്ര്യമല്ലാതെ മറ്റെന്താണ്‌.മത സംഹിതകള്‍ കൊണ്ട്‌ മനുഷ്യനെ ഉദ്ധരിക്കുന്നതില്‍ ലാഭമില്ലെന്നും മതത്തെ രാഷ്‌ട്രിയ പ്രസ്‌ഥാനത്തോട്‌ ചേര്‍ത്തു നിര്‍ത്തി വോട്ടുബാങ്കിലൂടെ അധികാരത്തിലേക്കുള്ള വഴി സുഗമമാക്കാം എന്നു ചിന്തിച്ച മത നേതൃത്വത്തിനു മതത്തെ കുറിച്ചൊ മനുഷ്യനെ കുറിച്ചൊ എന്തറിയാം. മുതലാളിത്തം സ്വന്തം പ്രതിച്ഛായയില്‍ അരാഷ്‌ട്രിയ ബോധം പകര്‍ന്നു കൊടുത്ത കോര്‍പറേറ്റ്‌ മാധ്യമങ്ങളും സാഹിത്യ സൃഷ്‌ടികളും ആത്‌മരതിയില്‍ കൂപ്പു കുത്തുകയും പ്രതികരണ ശേഷിയില്ലാത്ത ഒരു ജനതയെ വാര്‍ത്തെടുക്കുകയും ചെയ്യാന്‍ തുടങ്ങിയിരിക്കുന്നു, കക്‌ഷി രാഷ്‌ട്രിയത്തില്‍ നിന്നും ജീവല്‍ സാഹിത്യത്തെ സ്വതന്ത്രമാക്കാന്‍ ശ്രമിക്കുന്നതിനു പകരം ഇവര്‍ കല കലയ്‌ക്കു വേണ്ടി എന്നു ഉറക്കെ വിളിച്ചു പറയുന്നു. കാലം ആവശ്യപ്പെടുന്നത്‌ സ്വതന്ത്ര ചിന്തയും പ്രതികരണശേഷിയുള്ള ഒരു സമൂഹത്തെയുമല്ലേ...
-പൂരുഷു പരോള്‍
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക