The biggest ever archive in Malayalam Literature. 2.5 crores pageviews, 12000+ creations, 1500+authors and adding on....

New Posts

Post Top Ad

Your Ad Spot

Friday, December 27, 2019

അപ്പോഴേക്കും..

നിങ്ങൾക്കെപ്പോഴെങ്കിലും സ്വന്തം
കളിക്കൂട്ടുകാരനെ നഷ്ടപ്പെട്ടിട്ടുണ്ടോ..
ഒരുമിച്ചുണ്ടും ഉറങ്ങിയും ഒരേ സ്വപ്നത്തിന്റെ ചിറകിലേറിപ്പറക്കുകയും ചെയ്തവനെ...!!
നിങ്ങളെപ്പോഴെങ്കിലും
അവനെ സ്വപ്നം കാണാറുണ്ടോ...?
അവന്റെ ചിരിയോർക്കാറുണ്ടോ...,
ചങ്കുപറിച്ചെടുക്കുന്ന വേദനയാണത്..
അവനോടൊത്ത് ചിരിച്ചു കളിച്ച
ആ അവസാന സായാഹ്നമോർക്കാറുണ്ടോ...
അന്ന് അവന്റെ അമ്മ പറഞ്ഞതോർമ്മയുണ്ടോ....
നാളെ ഞങ്ങൾ പോവും...
ഇനി എന്നാണെന്നറിയില്ല.!
ഇടിഞ്ഞുവീഴുന്ന മൗനം....
അവൻകെട്ടിപ്പിടിച്ചു കരഞ്ഞതോർക്കുന്നുണ്ടോ...
അവന്റെ പ്രിയ കളിപ്പാട്ടങ്ങൾ
നിങ്ങൾക്ക് തന്നതോർക്കുന്നുണ്ടോ...
അന്ന് രാത്രി ഉറങ്ങാൻ പറ്റാതെ
കരഞ്ഞതോർക്കുന്നുണ്ടോ...
അതിരാവിലെ ഒരുതവണകൂടി
കാണാൻ കൊതിയോടെ ഓടിയതോർക്കുന്നുണ്ടോ...!
അപ്പോഴേക്കും.....!
✍️ശ്രീധർ.ആർ.എൻ

No comments:

Post Top Ad

Your Ad Spot