എനിക്ക് വിശക്കുന്നു

( ഒരു നുറുങ്ങ് ചിന്ത)

ബെഡ്റും ലാം പിന്റെ വെളിച്ചത്തിൽ ഒരു കവിതയെഴുതാൻ അവൾ പേന കയ്യിലെടുത്തു

"എനിക്ക് വിശക്കുന്നു ''
മുറിയിൽ നിന്ന് മകളുടെ ശബ്ദം കേട്ട അമ്മ വിളിച്ചു പറഞ്ഞു

"ദാ വരുണു മോളെ "

അമ്മ മകൾക്കായി ചപ്പാത്തിയും ചിക്കൺ കറിയും ചൂടുള്ള കാപ്പിയും നൽകി. അവൾ അത് വയറ് നിറയെ കഴിച്ച് വിശപ്പടക്കി:

വിശപ്പ് മാറിയ അവൾ വിശപ്പടക്കാനാകാതെ മണ്ണ് വാരി തിന്ന കുട്ടികളെക്കുറിച്ച് വാരികയിലേക്ക് കവിതയെഴുതാൻ തുടങ്ങി

കവിതയുടെ പേര്

" എനിക്ക് വിശക്കുന്നു ''

ആ കവിതയിൽ നിറയെ അക്ഷരങ്ങളുണ്ടായിരുന്നു

പക്ഷെ "വിശപ്പ് " ഒട്ടുമില്ലായിരുന്നു

By Suresh Menon