(മിനിക്കഥ)
വീട്ടില്‍ എന്നും രാവിലെ വിരുന്നു വരുന്നൊരു കാക്കയുണ്ട്;
ഞാനതിനെ സന്ദീപിന്‍െറ കാക്ക എന്നാണ് വിളിക്കുന്നത്.!
ഞാനതിനെ സന്ദീപിന്‍െറ കാക്ക എന്നാണ് വിളിക്കുന്നത്.!
അതിന്‍െറ ഇരുപത്തിയെട്ടുകെട്ട് നടത്താതെ അതിനെ സന്ദീപിന്‍െറ കാക്ക എന്ന് പേരിടാന്‍ ഒരു കാരണമുണ്ട്.
എന്‍െറ ഭാര്യ സരിതയുടെ നല്ല സുഹൃത്തുക്കളിലൊരാളാണ് സന്ദീപ്; അതുപോലെതന്നെയാണ് അവന്‍െറ ചേച്ചിയും.!
എന്‍െറ ഭാര്യ സരിതയുടെ നല്ല സുഹൃത്തുക്കളിലൊരാളാണ് സന്ദീപ്; അതുപോലെതന്നെയാണ് അവന്‍െറ ചേച്ചിയും.!
വീട്ടിലേക്ക് വരുമ്പോഴെല്ലാം അവന്‍ സരിതയ്ക്കായി ഒരു തരം ബിസ്ക്കറ്റ് വാങ്ങിവരാറുണ്ട്.എന്നാല്‍ ഈ ബിസ്ക്കറ്റ് സരിതയ്ക്ക് ഒട്ടും ഇഷ്ടമല്ല താനും. അവനോടുളള സ്നേഹം കൊണ്ട് അത് അവനോട് പറയാനും അവള്‍ക്ക് പറ്റിയിരുന്നില്ല.കാരണം അവന്‍ വല്യ കാര്യത്തില്‍ വാങ്ങി വരുന്നതാണ് ആ ബിസ്ക്കറ്റ്..!
അങ്ങനെയൊരു ദിവസം രാവിലെ നമ്മുടെ കഥാനായകനായ കാക്ക പ്രത്യക്ഷപ്പെടുന്നു.വീട്ടിനകത്തെ തലേദിവസത്തെ നിലവിളക്കിലെ തിരി എടുത്തുകൊണ്ടുപോകാനാണ് ആശാന്‍െറ വരവ്..!
നിലവിളക്കിലെ തിരി കൊത്തിതിന്ന് മടങ്ങാനൊരുങ്ങിയ കാക്കയ്ക്ക്,സന്ദീപ് കൊണ്ടുവന്ന പായ്ക്കറ്റില്‍ നിന്നും ഒരു ബിസ്ക്കറ്റ് സരിത നല്‍കി.കാക്ക അത്യന്തം സന്തോഷത്തോടെ അത് കൊത്തിതിന്ന് വീണ്ടും സരിതയെനോക്കി നിര്‍നിമേഷനായി നിന്നു..!
കാക്കയുടെ ആ നോട്ടത്തിന്‍െറ അര്‍ത്ഥം മനസ്സിലായ സരിത രണ്ടാമതും ഒരു ബിസ്ക്കറ്റ് നല്‍കി.സന്തോഷത്തോടെ അത് കൊത്തി എടുത്ത് കാക്ക പറന്നകന്നു. അതിന്‍െറ കുഞ്ഞിന് കൊടുക്കാനാവും എന്ന് സരിത ആത്മഗതം പറഞ്ഞു.!
പിന്നീട് ഇതൊരു ശീലമായി രാവിലെ കാക്ക വരും സരിത ബിസ്ക്കറ്റ് കൊടുക്കും;അത് തിന്നശേഷം അടുത്ത ബിസ്ക്കറ്റിനായി സരിതയെ ദയനീയമായി നോക്കി ഒടുവില്‍ അതും വാങ്ങി ചുണ്ടില്‍ ഒതുക്കിപിടിച്ച് പറന്നകലുന്ന കാക്ക വീട്ടിലെ നിത്യ കാഴ്ചയായി മാറി.
ഒരിക്കല്‍ കാക്ക വന്നപ്പോള്‍ ബിസ്ക്കറ്റ് തീര്‍ന്നുപോയിരുന്നു.അന്ന് വിഷമത്തോടെ മറ്റെന്തോ കഴിച്ച് കാക്ക മടങ്ങി.സരിതക്ക് സങ്കടവുമായി.പിറ്റേന്ന് ദാ വരുന്നൂ സന്ദീപ് വിത്ത് കാക്ക ബിസ്ക്കറ്റ്.!
അവന്‍ സ്നേഹത്തോടെ ബിസ്ക്കറ്റ് നല്‍കിയപ്പോള്‍ ഇത്തവണ സരിതയ്ക്കും സന്തോഷമായി.മറ്റൊന്നുമല്ല നാളത്തേയ്ക്ക് കാക്കയ്ക്കുളള ബിസ്ക്കറ്റ് ആയല്ലോ.!!
ആ കാക്കയെ സ്നേഹപൂര്‍വ്വം ഞങ്ങള്‍ സന്ദീപിന്‍െറ കാക്ക എന്നുവിളിച്ചുതുടങ്ങി.
ഏതായാലും ഒരു ജീവിയുടെ ഒരു നേരത്തെയെങ്കിലും വിശപ്പടക്കാന്‍ അവന്‍ കാരണമായല്ലോ എന്ന് ഞാനും സന്തോഷിച്ചു.!
ഏതായാലും ഒരു ജീവിയുടെ ഒരു നേരത്തെയെങ്കിലും വിശപ്പടക്കാന്‍ അവന്‍ കാരണമായല്ലോ എന്ന് ഞാനും സന്തോഷിച്ചു.!
ഇതൊന്നുമറിയാതെ സന്ദീപും ചേച്ചിയും പിന്നെയും ബിസ്ക്കറ്റുമായി വന്നുകൊണ്ടിരുന്നു.സന്ദീപിനെയറിയാതെ സന്ദീപിന്‍െറ കാക്കയും..!!
....ശ്രീരാജ് രാമചന്ദ്രന്‍....
No comments:
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക